گردوں کی غیر قانونی پیوندکاری میں ملوث گروہ گرفتار

شیخوپورہ میں غیر قانونی پیوندکاری کا انکشاف

شیخوپورہ (ڈیلی پاکستان آن لائن) پنجاب ہیومن آرگن ٹرانسپلانٹیشن اتھارٹی اور دیگر اداروں نے مشترکہ کارروائی کے دوران غیر قانونی پیوندکاری میں ملوث 8 رکنی گروہ کو گرفتار کر لیا ہے۔ مشترکہ ٹیم نے شیخوپورہ کے ایک نجی ہسپتال پر چھاپہ مارا، جہاں یہ گروہ مقامی رہائشی کا گردہ نکال کر افریقی شہری کو لگا رہا تھا۔

یہ بھی پڑھیں: نواز شریف میڈیکل ڈسٹرکٹ کا جامع پلان طلب، ہر نمایاں شہر میں کارڈیالوجی سینٹر بنانے کا اصولی فیصلہ

گرفتار ملزمان اور ان کی کارروائیاں

پنجاب ہیومن آرگن ٹرانسپلانٹیشن اتھارٹی کے مطابق، ملزمان نے افریقی شہری سے پیوندکاری کی مد میں 70 لاکھ روپے وصول کیے، مگر گردہ دینے والے ڈونر کو رقم ادا نہیں کی گئی۔ اس کارروائی کے دوران، ڈاکٹر وقاص مصطفیٰ سمیت دو خواتین، آپریشن تھیٹر ٹیکنیشنز اور ایجنٹس کو بھی گرفتار کیا گیا ہے۔

انسانی اعضاء کی خرید و فروخت کا انکشاف

پنجاب ہیومن آرگن ٹرانسپلانٹیشن اتھارٹی نے مزید بتایا کہ یہ گروہ انسانی اعضاء کی خرید و فروخت اور غیر قانونی ٹرانسپلانٹیشن میں ملوث تھا۔ ملزم جعلی ڈاکٹر نسیم کی گرفتاری کے لئے چھاپے مارے جا رہے ہیں۔