اسلام آباد میں واقع آر ڈی ایف سی بلڈنگ میں آتشزدگی، ایف بی آر کاریکارڈزو دیگر اثاثہ جات محفوظ ، کارپوریٹ ٹیکس آفس اسلام آباد  عارضی طور پر ریجنل ٹیکس آفس اسلام آباد کی عمارت میں منتقل

آر ڈی ایف سی بلڈنگ میں آگ

اسلام آباد (ویب ڈیسک) اسلام آباد میں واقع آر ڈی ایف سی بلڈنگ میں آگ لگ گئی تھی تاہم ایف بی آر کا ریکارڈز و دیگر اثاثہ جات محفوظ رہے۔ کارپوریٹ ٹیکس آفس اسلام آباد کو عارضی طور پر ریجنل ٹیکس آفس اسلام آباد کی عمارت میں منتقل کردیا گیا۔

یہ بھی پڑھیں: راولپنڈی میں دفعہ 144 کے نفاذ میں یکم جنوری تک توسیع

آتشزدگی کا واقعہ

ایف بی آر اعلامیہ کے مطابق بدھ کے روز سہ پہر 3:30 بجے، اسلام آباد میں واقع آر ڈی ایف سی بلڈنگ میں آگ لگ گئی، جہاں کارپوریٹ ٹیکس آفس سمیت ایف بی آر کے متعدد دفاتر قائم ہیں۔ آگ لگنے کی اطلاع ملتے ہی فائر بریگیڈ کا عملہ موقع پر پہنچ گیا۔ اس کے ساتھ ساتھ عمارت میں موجود تمام افراد کی حفاظت کو یقینی بنانے کے لیے انہیں فوری طور پر نکالا گیا۔ ایف بی آر ہیڈکوارٹرز کے افسران بھی بلا تاخیر جائے وقوعہ پر پہنچے۔ اس موقع پر عمارت میں پھنسے چند افراد کو بھی کامیابی سے باہر نکالا گیا۔

یہ بھی پڑھیں: خاتون نے شوہر کو اپنی ماں کے ساتھ رنگے ہاتھوں پکڑ لیا، کتنے سال سے یہ شرمناک سلسلہ جاری تھا؟

آگ کا اثر اور حفاظتی اقدامات

آگ اسی کمرے تک محدود رہی جہاں یہ لگی تھی اور خوش قسمتی سے ایف بی آر کے ریکارڈز یا دیگر اثاثہ جات کو کوئی نقصان نہیں پہنچا۔ فائر بریگیڈ اور ایف بی آر کے افسران کی بروقت اور مؤثر کارروائی نے نہ صرف آگ کو محدود رکھنے میں مدد دی بلکہ عمارت میں موجود ایف بی آر ملازمین اور دیگر افراد کو بحفاظت نکالنے میں بھی کلیدی کردار ادا کیا۔

یہ بھی پڑھیں: شہبازشریف چینی ایکسپورٹ نہیں کرنا چاہتے تھے لیکن ان پر خاندان کی طرف سے دباؤ آیا: محمد مالک

متنقلی اور سیکیورٹی کے اقدامات

کارپوریٹ ٹیکس آفس اسلام آباد کو عارضی طور پر ریجنل ٹیکس آفس اسلام آباد کی عمارت میں منتقل کردیا گیا ہے۔ متعلقہ حکام کی طرف سے متاثرہ عمارت کو حفاظتی تقاضوں کے مطابق کلیئر کرنے تک اس متبادل جگہ پر کام جاری رکھا جائے گا۔ ریکارڈ کی حفاظت کو یقینی بنانے کے لیے سیکیورٹی اہلکار بھی متاثرہ عمارت میں تعینات کر دیے گئے ہیں۔

تعریفی الفاظ

فیڈرل بورڈ آف ریونیو نے فائر بریگیڈ اور ایف بی آر کے افسران کی طرف سے فوری طور پر کارروائی کرنے پر انہیں سراہا ہے جس کے نتیجہ میں عمارت میں موجود تمام افراد کو بحفاظت نکال لیا گیا۔