خیرپور: ٹرالر نے سڑک کنارے سوئے مزدوروں کو کچل دیا، 3 جاں بحق

خیرپور میں افسوسناک حادثہ

خیرپور(ڈیلی پاکستان آن لائن) ببرلو کے قریب قومی شاہراہ پر ٹرالر نے سڑک کنارے سوئے مزدوروں کو کچل دیا۔

یہ بھی پڑھیں: گنڈا پور مرکزی قافلے کی قیادت چھوڑ کر ہزارہ موٹروے روانہ

حادثے کی تفصیلات

نجی ٹی وی چینل دنیا نیوز کے مطابق، پولیس حکام کا کہنا ہے کہ اس افسوسناک حادثے میں 3 مزدور موقع پر جاں بحق جبکہ 4 زخمی ہوگئے۔ زخمی مزدوروں کو تشویشناک حالت میں سول ہسپتال منتقل کر دیا گیا ہے۔ جاں بحق مزدوروں کا تعلق شکارپور سے ہے اور وہ کھجور کی مزدوری کیلئے آئے تھے۔

پولیس کی کارروائی

پولیس حکام کا کہنا ہے کہ یہ حادثہ تیز رفتاری کے باعث پیش آیا ہے، اور ٹرالر کو تحویل میں لے لیا گیا ہے۔