شہداء وطن کو سلام، لسبیلہ میں پاک فوج کے ہیلی کاپٹر حادثے کو 3 سال بیت گئے

شہدائے وطن کو سلام

راولپنڈی (ڈیلی پاکستان آن لائن) لسبیلہ میں پاک فوج کے ہیلی کاپٹر حادثے کو 3سال بیت گئے۔

یہ بھی پڑھیں: ٹرمپ انتظامیہ غیر ملکی طلبہ کی قانونی حیثیت کے خاتمے کے فیصلے سے پیچھے ہٹ گئی

پاک فوج کی بے لوث خدمات

تاریخ پاک فوج کی عوام کے لیے کی جانے والی بے لوث خدمات سے بھری پڑی ہے، جنگ ہو یا ناگہانی آفت، عوام کو پاک فوج نے کبھی نہ مایوس کیا نہ تنہا چھوڑا۔ عوامی خدمت کی ایسی ہی بے لوث مثال 2022میں سیلابی صورتحال کے دوران دیکھی گئی۔

یہ بھی پڑھیں: روسی صدر پیوٹن نے ایران کے جوہری تنازع پر ثالثی کی پیشکش کردی

لیکٹیننٹ جنرل سرفراز علی کی قیادت

یکم اگست 2022 کو لیفٹیننٹ جنرل سرفراز علی شہید خود وہاں امدادی سرگرمیوں کا جائزہ لینے پہنچے تھے تاکہ ان میں تیزی لائی جا سکے۔ ریسکیو مشن کی قیادت لیفٹیننٹ جنرل سرفراز علی کر رہے تھے، موسم کی خرابی کے پیش نظر ہیلی کاپٹر حادثے کا شکار ہو گیا۔

یہ بھی پڑھیں: کاروباری شخص سے 137 کروڑ روپے کا کالا دھن برآمد، 50 کلو سونا شامل

المناک حادثے کے متاثرین

اس المناک حادثے میں لیفٹیننٹ جنرل سرفراز علی، بریگیڈیئر امجد حنیف، بریگیڈیئر محمد خالد، پائلٹ میجر سعید احمد، میجر محمد طلحہ اور نائیک مدثر فیاض شہید ہوگئے۔ بریگیڈیر امجد حنیف شہید حادثے سے کچھ عرصہ قبل ہی میجر جنرل کے عہدے پر ترقی پا چکے تھے۔

یہ بھی پڑھیں: پاکستان کی حدود میں ایک انچ بھی داخل نہ ہونے دو” ایئر چیف کے احکامات اور کشیدگی کا فیصلہ کن مرحلہ کون سا تھا؟ مزید تفصیلات سامنے آگئیں۔

قوم کا سوگ

اس دردناک حادثے نے ہر آنکھ اشک بار کر دی جبکہ ملک کی فضاء کئی دن تک سوگوار رہی۔ کور کمانڈر لیفٹیننٹ جنرل سرفراز علی شہید انتہائی پروفیشنل آفیسر تھے جو پاک فوج میں اہم ترین عہدوں پر تعینات رہے۔ نومبر 2020 میں انہیں تھری سٹار جنرل کے عہدے پر ترقی دی گئی جبکہ دسمبر 2020 میں انہیں کور کمانڈر کوئٹہ تعینات کیا گیا۔

آئی ایس پی آر کا پیغام

آئی ایس پی آر نے اپنے پیغام میں کہا ہے کہ پاک فوج ملک و قوم کی ہر مشکل گھڑی میں ہر ممکن مدد کے لیے ہر دم تیار رہی ہے اور رہے گی اور کسی بھی قربانی سے دریغ نہیں کرے گی۔