منی لانڈرنگ کا الزام، ارب پتی مکیش امبانی کے بھائی انیل امبانی کے بھارت چھوڑنے پر پابندی

بھارتی کاروباری شخصیت انیل امبانی کی مشکلات

نئی دہلی (ڈیلی پاکستان آن لائن) بھارت کی معروف کاروباری شخصیت اور ارب پتی مکیش امبانی کے بھائی انیل امبانی مشکل میں پھنس گئے ہیں۔ اربوں روپے کی منی لانڈرنگ کے کیس کی وجہ سے وہ اب عدالت کی اجازت کے بغیر ملک سے باہر نہیں جا سکتے۔

یہ بھی پڑھیں: عمران خان اور بشریٰ بی بی کیخلاف 190 ملین پاؤنڈز ریفرنس کی سماعت بغیر کارروائی ملتوی

ای ڈی کا لک آؤٹ سرکلر

بھارتی میڈیا کی رپورٹ کے مطابق ریلائنس گروپ کے چیئرمین اور منیجنگ ڈائریکٹر انیل امبانی کے خلاف ای ڈی (انفورسمنٹ ڈائریکٹوریٹ) نے 3,000 کروڑ روپے کے مبینہ قرض فراڈ اور منی لانڈرنگ کیس میں لک آؤٹ سرکلر جاری کیا ہے۔ اس نوٹس کے بعد، امبانی عدالت کی اجازت کے بغیر ملک سے باہر سفر نہیں کر سکتے۔

یہ بھی پڑھیں: حکمِ ثانی کا انتظار کرتی پاکستانی کرکٹ

تحقیقات کی تفصیلات

تحقیقات کے مطابق، انیل امبانی سے منسلک کمپنیز نے 2017 سے 2019 کے درمیان بینک سے حاصل کردہ قرض کو غیر قانونی طور پر دوسری کمپنیوں کو منتقل کیا۔ یہ سب ایک منظم اسکیم کے تحت کیا گیا، جس کا مقصد عوامی فنڈز کا غلط استعمال اور مالیاتی اداروں کو گمراہ کرنا تھا۔ اس تحقیق میں یہ بات بھی سامنے آئی ہے کہ قرض کے اجراء سے پہلے ہی بینک کے پروموٹرز سے جڑی کمپنیوں کو رقم منتقل کی گئی، جس سے رشوت اور مفاد پر مبنی لین دین کے شکوک و شبہات پیدا ہوئے ہیں۔

چھاپے اور پوچھ گچھ

خیال رہے کہ ممبئی میں ریلائنس گروپ کے مختلف دفاتر پر چھاپے مارنے کے بعد بھارتی تحقیقاتی ایجنسی نے انہیں 5 اگست کو پوچھ گچھ کے لیے طلب کیا ہے۔