عمران خان کے یرقان سے متاثر ہونے کا خدشہ؟ جیل سپرٹینڈنٹ نے رد عمل جاری کر دیا

راولپنڈی میں اڈیالہ جیل کی صورتحال

راولپنڈی (ڈیلی پاکستان آن لائن) اڈیالہ جیل کے سپرنٹنڈنٹ عبدالغفور انجم نے بانی پی ٹی آئی عمران خان کے بیٹے قاسم خان کے بیان پر رد عمل دیتے ہوئے کہا ہے کہ جیل میں کوئی قیدی ہیپاٹائٹس سے متاثر نہیں ہے۔

یہ بھی پڑھیں: 13 سال کی محبت رشتے میں تبدیل، حنا خان نے راکی جیسول کے ساتھ زندگی بھر کا بندھن باندھ لیا

قیدیوں کی صحت کی جانچ

اپنے بیان میں سپرنٹنڈنٹ اڈیالہ جیل نے کہا کہ تمام قیدیوں کا ہیپاٹائٹس بی، سی اور ایچ آئی وی ٹیسٹ کیا جاتا ہے۔ حالیہ معائنے میں اڈیالہ جیل میں کوئی مریض ہیپاٹائٹس سے متاثر نہیں پایا گیا، اور جیل میں قیدیوں کا میڈیکل چیک اپ روٹین میں کیا جاتا ہے۔

یہ بھی پڑھیں: پی ٹی آئی کی پارلیمنٹ اور باہر موجود تمام قیادت کمپرومائز ہے، خواجہ آصف

قیدیوں کی علیحدگی کی پالیسی

انہوں نے مزید کہا کہ اگر کوئی قیدی کسی وائرل بیماری میں مبتلا پایا جائے تو اسے باقی قیدیوں سے الگ کر دیا جاتا ہے۔ فی الوقت اڈیالہ جیل میں ہیپاٹائٹس سے کوئی قیدی متاثر نہیں ہے۔

قاسم خان کا بیان

بانی پی ٹی آئی کے بیٹے قاسم خان نے حالیہ انٹرویو میں اڈیالہ جیل میں ہیپاٹائٹس سے 10 قیدیوں کی اموات کا دعوی کیا تھا۔ قاسم خان نے یہ بھی کہا کہ انہیں خدشہ ہے کہ انکے والد بھی اس بیماری سے متاثر ہو سکتے ہیں۔