پاکستانی نوجوانوں کے روشن مستقبل کے لیے یورپی یونین کے ساتھ تعاون پر اہم ملاقات

اہم ملاقات

فرینکفرٹ / اسلام آباد (ویب ڈیسک) پرائم منسٹر یوتھ کونسل اوورسیز چیپٹر (جرمنی) کی رکن عبیرہ ضیاء نے یورپی یونین کے پاکستان آفس کے ڈویلپمنٹ ایڈوائزر برائے ایجوکیشن، یوتھ اینڈ کمیونیکیشنز احتشام عادل سے ایک اہم ملاقات کی۔ اس موقع پر فوکل پرسن پرائم منسٹر یوتھ کونسل اوورسیز چیپٹر، ڈاکٹر خالد محمود رانا بھی موجود تھے۔

یہ بھی پڑھیں: صائم ایوب نے جنوبی افریقہ کیخلاف سنچری بنانے کے بعد بڑا اعلان کر دیا

ملاقات کا مقصد

یہ ملاقات نوجوانوں کی تعلیم، مہارت، اور قیادت کو فروغ دینے کے لیے مشترکہ منصوبوں پر مشاورت کے حوالے سے ایک اہم سنگِ میل ثابت ہوئی۔ عبیرہ ضیاء نے کہا کہ یورپی یونین کا تعاون پاکستانی نوجوانوں، خاص طور پر دیہی اور پسماندہ علاقوں کے طلبہ کے لیے دنیا کے دروازے کھول سکتا ہے۔

یہ بھی پڑھیں: فرانس حماس کی مدد کررہا ہے: اسرائیل کا الزام

اہم تجاویز

* یورپی اور پاکستانی نوجوانوں کے لیے ثقافتی اور تعلیمی تبادلہ پروگرامز
* دیہی علاقوں میں ڈیجیٹل مہارت، قیادت کی تربیت اور شہری شعور پر ورکشاپس
* جرمنی میں پاکستانی طلبہ کے لیے رہائش، ویزا مسائل اور جز وقتی ملازمتوں کے حل کے لیے منصوبے
* اراسمس پلس جیسے یورپی تعلیمی پروگرامز کو اردو اور مقامی زبانوں میں فروغ دینا
* جمہوریت، رواداری اور انسانی حقوق پر مبنی آگاہی مہمات
* نوجوانوں کے لیے آن لائن روزگار اور فری لانسنگ تربیت
* ماحولیاتی تحفظ اور پانی کے بچاؤ پر اسکول کلائمٹ کلبز اور کمیونٹی پروگرامز
* دیہی لڑکیوں کے لیے اسکالرشپس، ڈیجیٹل ٹولز اور محفوظ ٹرانسپورٹ کی فراہمی

یہ بھی پڑھیں: زلزلہ کی پیش گوئی کرنا ممکن نہیں ، ڈائریکٹر زلزلہ پیما مرکز

عبیرہ ضیاء کا پیغام

"ہمارے نوجوان پاکستان کا اصل سرمایہ ہیں۔ اگر ہم انہیں اچھی تعلیم، جدید مہارتیں اور عالمی مواقع فراہم کریں تو یہ نہ صرف اپنے لیے بلکہ ملک کے لیے بھی ایک مضبوط بنیاد بن سکتے ہیں۔ یورپی یونین کے ساتھ یہ تعاون ہمارے نوجوانوں کے خوابوں کو حقیقت میں بدل سکتا ہے۔"

یہ بھی پڑھیں: فیض حمید کے خلاف کارروائی پر شاہد آفریدی کا ردعمل

آگے کا راستہ

ملاقات میں اس بات پر اتفاق کیا گیا کہ پاکستان اور یورپی یونین مشترکہ منصوبوں، یوتھ ہبز، اور ڈیجیٹل ٹریننگ سینٹرز کے قیام کے لیے عملی اقدامات کریں گے تاکہ نوجوان ایک روشن اور بااختیار مستقبل کی طرف بڑھ سکیں۔

تصویر