پنجاب حکومت نے پاک فوج کو طلب کر لیا!

اجلاس کا پس منظر

لاہور (ڈیلی پاکستان آن لائن) شنگھائی تعاون تنظیم (ایس سی او) اجلاس کے سلسلے میں پنجاب حکومت نے بھی امن و امان کے لیے پاک فوج کو طلب کر لیا۔ اس حوالے سے فوج کی خدمات سے متعلق قواعد کا نوٹیفکیشن جاری کر دیا گیا ہے۔

یہ بھی پڑھیں: سعودی عرب کا ایک اور حیرت انگیز تعمیراتی منصوبہ، مکعب نامی یہ عمارت 400 میٹر اونچی، 400 میٹر چوڑی اور 400 میٹر لمبی ہوگی

نوٹیفکیشن کی تفصیلات

نوٹیفکیشن کے مطابق آئین کے آرٹیکل 245 کے تحت مسلح افواج کو طلب کیا گیا ہے۔ سول آرمڈ فورسز اور پولیس کے ساتھ مل کر فوج ایس سی او کانفرنس میں امن و امان برقرار رکھے گی۔ ایئر پورٹس، راستوں، مقامات اور ارد گرد کے علاقوں میں امن و امان برقرار رکھا جائے گا، اور فوج کو واضح غیر مبہم رولز آف انگیجمنٹ دیئے گئے ہیں۔

فوج کے اختیارات

"جیو نیوز" کے مطابق نوٹیفکیشن میں یہ بھی کہا گیا ہے کہ مسلح افواج، سول آرمڈ فورسز، اور قانون نافذ کرنے والے ادارے کسی بھی خطرے کی اطلاع حاصل کر سکیں گے۔ فوج دشمن عناصر، ہجوم یا فسادیوں کی طرف سے حملے یا دھمکی کے موقع پر اقدامات کر سکے گی۔