ڈنڈا وگڑے تگڑوں کا پیر: عطاء اللّٰہ تارڑ کا 9 مئی والا مقصد

وفاقی وزیرِ اطلاعات کا بیان

لاہور (ڈیلی پاکستان آن لائن) وفاقی وزیرِ اطلاعات عطاء اللّٰہ تارڑ کا کہنا ہے کہ پی ٹی آئی کی پریشانی ہے کہ ملک ترقی نہ کر جائے۔ ان کے دھرنے کی وجہ سے چین کے صدر کے دورے میں تاخیر ہوئی، ان عناصر کے لیے ملکی ترقی قابلِ قبول نہیں۔ ان کے دھرنے کا مقصد 9 مئی والا ہی ہے، ڈنڈا وگڑے تگڑوں کا پیر ہے۔

یہ بھی پڑھیں: اختر مینگل کے بیان پر حکومتی و سیکیورٹی ذرائع کا ردِعمل

چین کی قیادت کا اعتماد

لاہور میں وفاقی وزیرِ اطلاعات عطاء اللّٰہ تارڑ نے پریس کانفرنس میں کہا کہ پی ٹی آئی کو پریشانی ہے کہ ملک ترقی کر گیا تو ان کے بیانیے کا کیا بنے گا۔ چین کی قیادت کا نواز شریف اور شہباز شریف پر اعتماد ہے۔ آج پوری دنیا پاکستان کی معاشی پالیسیوں کی تعریف کر رہی ہے، دنیا بھر کے مختلف سربراہان اور مندوبین پاکستان آ رہے ہیں۔

یہ بھی پڑھیں: قائداعظم یونیورسٹی میں طلبا کے دو گروپوں میں تصادم

عالمی پذیرائی اور معاشی بہتری

تمام سیاسی جماعتوں نے فلسطین، کشمیر اور مسلم امہ کے کاز کی بات کو سراہا ہے۔ اقومِ متحدہ میں وزیرِ اعظم شہباز شریف کی تقریر کو پی ٹی آئی کے لوگوں نے بھی سراہا۔ دنیا کہہ رہی ہے کہ پاکستان کے ساتھ تجارت کرنے کے لیے تیار ہے، معیشت بہتر ہو رہی ہے، اور مہنگائی سنگل ڈیجٹ میں آ رہی ہے۔ ہم معیشت کو ڈیفالٹ کے دہانے سے واپس لے کر آئے ہیں۔

یہ بھی پڑھیں: گورنر ہاؤس سے ڈراتے ہو، گورنر راج لگانا ہے تو لگاؤ، چیلنج دیتا ہوں : علی امین گنڈا پور کا خیبر پختونخوا اسمبلی سے پھر دبنگ انداز میں خطاب

باہر سے آنے والے مہمانوں کی اہمیت

عطاء تارڑ کا کہنا ہے کہ جب کوئی باہر سے مہمان آتا ہے تو وہ پاکستان سے تعلقات کو فروغ دینے آتا ہے۔ بلوم برگ کہتا ہے کہ پاکستانی کی معیشت بہتر ہو رہی ہے۔ وزیرِاعظم کی ٹیم ڈیفالٹ سے متعلق پریشان تھی، جبکہ پی ٹی آئی کی پریشانی ہے کہ ملک ترقی کر گیا تو ان کے بیانیے کا کیا بنے گا۔

یہ بھی پڑھیں: اسلام آباد ہائیکورٹ نے تحریک انصاف کے احتجاج سے متعلق درخواست پر فیصلہ سنادیا

دھرنوں کا مقصد اور قومی حالات

وفاقی وزیرِ اطلاعات نے کہا کہ ان کے دھرنے کا مقصد 9 مئی والا ہی ہے، اور یہ لوگ ملک کی تباہی اور بربادی میں شامل ہیں۔ بیرونِ ملک پی ٹی آئی کا زور ٹوٹ رہا ہے، اور اوورسیز پاکستانی سمجھ گئے ہیں کہ ملک ترقی کر رہا ہے۔ پنجاب کی انتظامیہ امنِ عامہ برقرار رکھنے کی کوشش کر رہی ہے۔

یہ بھی پڑھیں: حطیم میں نوافل ادائیگی کیلئے اوقات مقرر

وفاقی وزیر کی تنقید

وفاقی وزیرِ اطلاعات نے کہا کہ کسی کو اجازت نہیں دی جائے گی کہ ایس سی او کو سبوتاژ کرے۔ کے پی میں کوئی ترقیاتی منصوبہ نہیں، سارا وقت دھرنوں میں لگا ہوا ہے۔

محفوظ شہر کے لیے اقدامات

عطاء تارڑ نے کہا کہ وزارتِ خارجہ فلسطین اور لبنان کے مسئلے پر اپنا مؤقف دے چکی ہے، اور شہر کو محفوظ رکھنے کے لیے بھرپور اقدامات کیے جائیں گے۔