لاہور میں بزرگ خاتون کے کانوں سے بالیاں نوچنے والا ڈکیت ساتھی سمیت پولیس مقابلے میں ہلاک

مقابلے میں ملزم کی ہلاکت

لاہور(ڈیلی پاکستان آن لائن ) غازی آباد میں بزرگ خاتون کے کانوں سے بالیاں نوچنے والا ملزم ساتھی سمیت پولیس مقابلے میں مارا گیا۔

یہ بھی پڑھیں: سابق چیف جسٹس قاضی فائز عیسیٰ کو بڑا آئینی عہدہ دیئے جانے کی تیاری

واقعہ کی تفصیلات

چند روز قبل لاہور کے علاقے غازی آباد میں ایک شخص 90 سالہ بزرگ خاتون پروین اختر کے کانوں سے سونے کی بالیاں نوچ کر فرار ہو گیا تھا، جس کی سی سی ٹی وی بھی سامنے آئی تھی۔ سی سی ٹی وی ویڈیو میں دیکھا گیا تھا کہ سبز ٹوپی پہنے اور ماسک لگائے پینٹ شرٹ میں ملبوس شخص نے سبزی کی دکان پر بیٹھی بزرگ خاتون کے کانوں سے سونے کی بالیاں نوچی تھیں۔

پولیس کا موقف

پولیس کا کہنا ہے کہ غازی آباد میں بزرگ خاتون کے کانوں سے بالیاں نوچنے والا ملزم ساتھی سمیت مقابلے میں ہلاک ہوگیا ہے۔ پولیس کے مطابق سی سی ڈی اشتہاری کی گرفتاری کیلئے تھانہ مناواں جا رہی تھی، جہاں 2 موٹر سائیکل سوار ملزمان نے پولیس پارٹی پر فائرنگ کردی۔ اس دوران جوابی فائرنگ میں دو ملزمان مارے گئے جن میں کانوں سے بالیاں نوچنے والا ملزم بھی شامل ہے۔