لیسکو کا بجلی چوروں کے خلاف بڑا ایکشن، اہلکار برطرف، متعدد کنکشنز منقطع

لیسکو کی زیرو ٹالرنس پالیسی

لاہور (ڈیلی پاکستان آن لائن) چیف ایگزیکٹو لیسکو انجینئر محمد رمضان بٹ کی زیرو ٹالرنس پالیسی کے تحت بجلی چوروں کے خلاف کارروائیوں میں مزید تیزی لائی گئی ہے۔ حال ہی میں باٹاپور سب ڈویژن اور شالامار ڈویژن میں ایک بجلی چوری میں ملوث اہلکار اشتیاق احمد کو نوکری سے برخاست کردیا گیا ہے۔

یہ بھی پڑھیں: جسٹس طارق محمود جہانگیری کو الیکشن ٹریبونل اسلام آباد کی سربراہی سے ہٹا دیا گیا

بجلی چوری کے نئے واقعات

تفصیلات کے مطابق، باٹاپور سب ڈویژن کے علاقے میں ایک ٹیوب ویل کو 40 ایمپئر فی فیز براہِ راست استعمال کیا جا رہا تھا۔ موقع پر کارروائی کرتے ہوئے متعلقہ سامان قبضے میں لے لیا گیا۔ اسی طرح، گاؤں دُر والا (صحافی کالونی سب ڈویژن) میں نصب 200 کے وی اے ٹرانسفارمر ہٹا دیا گیا، جہاں صرف 6 سے 7 کنکشن میٹرڈ تھے جبکہ باقی تمام کنکشن براہِ راست بجلی کا استعمال کر رہے تھے۔

یہ بھی پڑھیں: عالمی منڈی میں خام تیل کی قیمتوں میں اضافہ ہو گیا

غیر قانونی سپلائی کا انکشاف

مزید برآں، باٹاپور سب ڈویژن میں ایک آئس فیکٹری میں 2 فیز براہِ راست 80 ایمپئر فی فیز چلتے ہوئے پائے گئے، جس پر کارروائی کرتے ہوئے غیر قانونی سپلائی منقطع کی گئی اور مواد قبضے میں لیا گیا۔ اسی طرح، ایک اینٹوں کا بھٹہ بھی براہِ راست بجلی چلاتے ہوئے پکڑا گیا، جس کی سپلائی بھی فوری طور پر کاٹ دی گئی۔

قانونی کارروائی جاری

ترجمان لیسکو کے مطابق، بجلی چوری میں ملوث ملزم کو رنگے ہاتھوں گرفتار کر لیا گیا ہے اور مزید قانونی کارروائی جاری ہے۔ چیف ایگزیکٹو لیسکو انجینئر محمد رمضان بٹ نے واضح کیا کہ "بجلی چور اور ان کے سہولت کار کسی رعایت کے مستحق نہیں ہیں۔ ادارہ بلا امتیاز سخت کارروائی جاری رکھے گا۔"