لاہور میں 2 مختلف مقامات پر مبینہ پولیس مقابلے، 2 ڈاکو ہلاک، ایک زخمی حالت میں گرفتار

پولیس مقابلے میں ملزمان کی ہلاکت

لاہور (ڈیلی پاکستان آن لائن) فیکٹری ایریا کے علاقے میں سی سی ڈی ڈیفنس کا مبینہ پولیس مقابلہ، مختلف مقدمات میں ملوث زیر حراست 2 ملزمان ہلاک ہوگئے۔

یہ بھی پڑھیں: ایران نے ایٹمی توانائی ایجنسی کی رپورٹ کو سیاسی اور جانبدار قرار دیدیا

واقعہ کی وضاحت

پولیس کے مطابق، سی سی ڈی ڈیفنس کی ٹیم ملزم مون اور حفیظ کو ریکوری کیلئے لے جا رہی تھی۔ اس دوران، ملزمان کے ساتھیوں نے والٹن روڈ کے قریب پولیس پر فائرنگ کر دی، جس کی زد میں آکر، زیر حراست ملزمان اپنے ہی ساتھیوں کی فائرنگ سے مارے گئے۔ پولیس نے لاشیں جنرل ہسپتال کے مردہ خانے منتقل کر دیں۔

دوسرا واقعہ: ڈاکو کی گرفتاری

دوسرا واقعہ سبزہ زار کے علاقے میں پیش آیا، جہاں اے وی ایل ایس اقبال ٹاؤن پولیس کے ساتھ مبینہ مقابلے کے بعد ایک ڈاکو زخمی حالت میں گرفتار کر لیا گیا۔ گرفتار ڈاکو کی شناخت راشد کے نام سے ہوئی۔ یہ ڈاکو کار چوری کی وارداتوں میں پولیس کو مطلوب تھا اور اسے علاج کے لئے ہسپتال منتقل کر دیا گیا۔