پینٹاگون کی خفیہ ایجنسی کے سربراہ برطرف، عہدہ سے کیوں ہٹایا گیا؟ وجہ سامنے آ گئی

پینٹاگون کی خفیہ ایجنسی کے سربراہ کی برطرفی

واشنگٹن( مانیٹرنگ ڈیسک ) پینٹاگون کی خفیہ ایجنسی کے سربراہ برطرف ، عہدے سے کیوں ہٹایا گیا؟ وجہ سامنے آ گئی ۔

یہ بھی پڑھیں: حالیہ کشمکش میں نواز شریف اور افغانستان کی خاموشی معمہ ہے:لیاقت بلوچ

برطرفی کی تفصیلات

تفصیلات کے مطابق امریکی وزیر دفاع پیٹ ہیگسیتھ نے پینٹاگون کی خفیہ ایجنسی کے سربراہ کو عہدے سے برطرف کردیا۔ ’’جیو نیوز‘‘ نے امریکی میڈیا کے حوالے سے بتایا کہ وزیردفاع نے ڈیفنس انٹیلی جنس ایجنسی کے ڈائریکٹر لیفٹیننٹ جنرل جیفری کروز کو اعتماد کھودینے کے سبب عہدے سے ہٹادیا۔

پینٹاگون میں کشیدگی

واضح رہے کہ اپریل میں دعویٰ کیا گیا تھا کہ وزیردفاع کے قریبی حلقوں میں اختیارات کی جنگ کے سبب پینٹاگون ہلچل اور افراتفری کا شکار ہے۔ وزیردفاع نے ایسے افراد کو مشیر بنایا ہے جو ایک دوسرے کے حریف بن گئے ہیں۔ اس فیصلے کی وجہ سے ماحول کشیدہ ہے اور لوگوں کو غیرمتوقع طور پر نوکریوں سے نکالا جارہا ہے۔