ایف آئی اے کا کریک ڈاؤن، انسانیت اسمگلر تفتان اور حوالہ ہنڈی نیٹ ورک کے 3 کارندے کوئٹہ سے گرفتار

ایف آئی اے کی بڑی کارروائی

اسلام آباد (ڈیلی پاکستان آن لائن) ایف آئی اے اینٹی ہیومن ٹریفکنگ سرکل تفتان نے ایک بڑی کارروائی کے دوران بدنام زمانہ انسانی ٹریفکر محمد عدنان اسلم کو گرفتار کرلیا۔ ملزم عراق سے آپریٹ ہونے والے انسانی ٹریفکنگ کے منظم گینگ کا حصہ ہے۔

یہ بھی پڑھیں: پنجاب حکومت کا یتیموں، بیواؤں اور غربا کی زمینوں پر قبضہ کیسز کا فیصلہ 90 دن کے اندر لازمی قرار، جرمانہ اور 10 سال قید کی تجویز

گینگ کی کارروائیاں

ترجمان ایف آئی اے کے مطابق گینگ نے عراق میں سیف ہاؤسز بنا رکھے ہیں، ملزم دیگر ساتھیوں کی ملی بھگت سے شہریوں کو پاکستان سے غیر قانونی طریقے سے ایران کے راستے عراق لے کر جاتے تھے اور عراق میں موجود سیف ہاؤسز میں محصور کرتے تھے۔

یہ بھی پڑھیں: شادی شدہ آدمی نے ناجائز تعلقات کے نتیجے میں ہونے والے حمل کو ضائع کرنے کے لیے انتہائی خطرناک قدم اٹھا لیا

شواہد کی برآمدگی

ایف آئی اے کے مطابق متاثرین کے گھر والوں کی جانب سے بھیجی گئی رقوم کے شواہد بھی برآمد کرلیے گئے ہیں، ملزم کے موبائل سے انسانی اسمگلنگ کے شواہد برآمد ہوئے ہیں، منظم گینگ میں شامل انسانی اسمگلروں کی تفصیلات حاصل کرلی گئی ہیں، دیگر ملزمان کی گرفتاری کے لئے چھاپے مارے جا رہے ہیں۔

یہ بھی پڑھیں: پاکستان کی اربوں ڈالرز کی کھجور ایکسپورٹ پر منفی اثرات کی وجوہات

کوئٹہ میں حوالہ ہنڈی کی گرفتاری

دوسری جانب ایف آئی اے نے کوئٹہ میں کارروائی کرتے ہوئے حوالہ ہنڈی نیٹ ورک کے 3 افراد کو گرفتار کرلیا ہے۔

یہ بھی پڑھیں: نیلم جہلم پراجیکٹ کی بار بار بندش سے سالانہ کتنا نقصان ہورہا ہے؟ تہلکہ خیز انکشاف

گرفتار شدہ افراد کی تفصیلات

ترجمان ایف آئی اے کے مطابق گرفتار افراد میں محمد عمر، لعل محمد اور عبدالولی شامل ہیں، قبضے سے مجموعی طور پر 17 لاکھ روپے، 4 موبائل فونز، حوالہ ہنڈی سے متعلق پیغامات، رجسٹرز اور دیگر شواہد برآمد ہوئے ہیں۔ گرفتار ملزمان برآمد ہونے والی کرنسی کے حوالے سے کوئی تسلی بخش وضاحت پیش نہ کر سکے۔

تحقیقات کا آغاز

ایف آئی اے کا کہنا ہے کہ گرفتار ملزمان حوالہ ہنڈی کے ساتھ ساتھ غیر قانونی کرنسی ایکسچینج کے کاروبار میں بھی ملوث تھے۔ ملزمان کے خلاف مقدمہ درج کر کے تفتیش کا آغاز کر دیا گیا ہے۔