رائیونڈ میں پھلوں کی قیمت پر بحث کے دوران جھگڑا، ریڑھی بان نے خریدار کو قتل کر دیا

پھلوں کی قیمت پر جھگڑا

لاہور (ڈیلی پاکستان آن لائن) پھلوں کی قیمت پر تلخ کلامی جان لیوا جھگڑے میں بدل گئی۔ ریڑھی بان اور اس کے ساتھیوں کے تشدد سے ایک گاہک جاں بحق جبکہ دوسرا زخمی ہو گیا۔

یہ بھی پڑھیں: راولپنڈی میں کم سن بچی کا قتل، 10 سالہ کزن گرفتار

واقعہ کی تفصیلات

پولیس کے مطابق واقعہ رائیونڈ میں پیش آیا جہاں پھلوں کی قیمت پر بحث کے دوران ریڑھی بان اور اس کے ساتھیوں نے گاہکوں پر حملہ کر دیا۔ تشدد کے نتیجے میں واجد نامی شخص جاں بحق جبکہ اس کا بھائی زخمی ہوگیا۔

پولیس کی کارروائی

پولیس کا کہنا ہے کہ مقتول کی موت سر پر شدید ضرب لگنے سے واقع ہوئی۔ رائیونڈ پولیس نے مقدمہ درج کرکے ملزمان کی تلاش شروع کر دی ہے۔