معروف یوٹیوبر ڈکی بھائی نے اپنے جرم کا اعتراف کرلیا، کہا قوم سے معافی مانگتا ہوں

ڈکی بھائی کا اعتراف

لاہور (ڈیلی پاکستان آن لائن) معروف یوٹیوبر سعد الرحمان المعروف ڈکی بھائی نے اپنے جرم کا اعتراف کرلیا اور قوم سے معافی مانگی۔

یہ بھی پڑھیں: پشاور ہائی کورٹ: اعظم سواتی کا نام ای سی ایل سے نکالنے کا حکم، تحریری فیصلہ جاری

ویڈیوز کی نوعیت

پبلک نیوز سے گفتگو کرتے ہوئے انہوں نے کہا کہ "روسٹنگ کے زمانے میں میں نے نامناسب ویڈیوز بنائیں، جس پر میں پوری پاکستانی قوم سے معافی مانگتا ہوں۔" ان کا کہنا تھا کہ کچھ اپلیکیشنز کی پروموشن ہوئی تھی جن کی میں نے بغیر تصدیق کے تشہیر کی، خاص طور پر چونکہ وہ پی ایس ایل کے میچز کے دوران بھی دکھائی جا رہی تھیں، میں نے اس بات کی جانچ نہیں کی کہ ان کی پاکستان میں اجازت ہے یا نہیں۔

یہ بھی پڑھیں: خیبر پختونخوا حکومت کا وادیٔ پشاور میں وفاق کے تعاون سے ٹرین چلانے کا فیصلہ

جوئے کی ایپس کی تشہیر

معروف یوٹیوبر کا کہنا ہے کہ "جوئے کی ایپ پی ایس ایل میں بھی دیکھی جارہی تھی، اس لیے مجھے اندازہ نہیں ہوا۔" انہوں نے اپنی اس حرکت پر ایک بار پھر معافی مانگی۔

یہ بھی پڑھیں: ملٹی اسٹوری کمرشل عمارتوں کے پلانز کو ریسکیو 1122 کی کلیئرنس سے مشروط کر دیا گیا۔

الزامات کا سامنا

یاد رہے کہ یوٹیوبر ڈکی بھائی پر الزام ہے کہ انہوں نے اپنی ویڈیوز میں جوئے کی ایپس کو پروموٹ کیا ہے۔

ویڈیو دیکھیں