کراچی میں 2 بچوں کو قتل کرنے والی ماں 3روزہ جسمانی ریمانڈ پر پولیس کے حوالے

ماں کا بچوں کے قتل کا کیس

کراچی (ڈیلی پاکستان آن لائن) شہر قائد کے علاقے ڈیفنس میں بچوں کو قتل کرنے والی ماں کو عدالت نے مزید 3 دن کے ریمانڈ پر پولیس کے حوالے کردیا۔

یہ بھی پڑھیں: سوزوکی ایوری پاکستان میں لانچ کر دی گئی،ویڈیو

عدالتی سماعت

ایکسپریس نیوز کے مطابق جوڈیشل مجسٹریٹ جنوبی نے ڈیفنس میں اپنے 2 بچوں کا گلا کاٹ کر قتل کرنے کے مقدمے کی سماعت کی۔ پولیس ریمانڈ مکمل ہونے پر ملزمہ ادیبہ کو پیش کیا گیا۔ تفتیشی افسر کی جانب سے ملزمہ کے جسمانی ریمانڈ میں مزید توسیع کی استدعا کی گئی۔

یہ بھی پڑھیں: ہمیں اپنی ایئر فورس پر فخر ہے، جارحیت اور سیز فائر کی خلاف ورزی سے بھارت کا مکروہ چہرہ دنیا کے سامنے آیا: ڈی جی آئی ایس پی آر

تحقیقات کی صورتحال

تفتیشی افسر نے کہا کہ ملزمہ سے تاحال تفتیش مکمل نہیں ہوئی ہے۔ ملزمہ سے قتل کی وجوہات اور آلہ قتل سے متعلق تحقیقات ہونا باقی ہیں، جس پر عدالت نے ملزمہ ادیبہ کے جسمانی ریمانڈ میں مزید 3 روز کی توسیع کردی۔

پیش رفت رپورٹ

عدالت نے 26 اگست تک تفتیشی افسر سے پیش رفت رپورٹ طلب کرلی ہے۔ پولیس کے مطابق ملزمہ نے بچوں کا گلا کاٹ کر اپنے سابقہ شوہر کو خود اطلاع دی تھی۔ ملزمہ کیخلاف تھانہ درخشاں میں مقدمہ درج کیا گیا۔