دریائے ستلج میں سیلابی صورتحال، خواجہ سلمان رفیق اور ملک محمد احمد خان قصور پہنچ گئے

صوبائی وزیر صحت کا ضلع قصور کا دورہ

لاہور (ڈیلی پاکستان آن لائن) صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق اور سپیکر پنجاب اسمبلی ملک محمد احمد خان دریائے ستلج میں سیلابی صورتحال کا جائزہ لینے ضلع قصور پہنچ گئے۔

یہ بھی پڑھیں: پاکستان سوشل سینٹر شارجہ اور سافٹ امیج پاکستان کی جانب سے محفل شعر و نغمہ، پاکستانی محنتی اور دیانتدار ہیں، ملک اسلم۔

اجلاس کی صدارت

صوبائی وزیر خواجہ سلمان رفیق اور سپیکر پنجاب اسمبلی ملک محمد احمد خان نے ڈپٹی کمشنر آفس قصور میں اجلاس کی صدارت بھی کی۔ اجلاس میں ڈائریکٹر جنرل پی ڈی ایم اے عرفان علی کاٹھیا، سیکرٹری محکمہ اریگیشن، ڈی سی قصور اور چیف انجینئر لاہور زون نے شرکت کی۔

یہ بھی پڑھیں: 26ویں آئینی ترمیم چیلنج کرنے کا فیصلہ پیر تک ہو جائے گا: وقاص اکرم

سیلابی صورتحال پر بریفنگ

سیکرٹری اریگیشن، ڈپٹی کمشنر ضلع قصور اور ڈی جی پی ڈی ایم اے نے سیلاب کی موجودہ صورتحال پر صوبائی وزیر کو بریفنگ دی۔ اجلاس میں دریائے چناب میں سیالکوٹ اور گجرات میں ممکنہ سیلاب سے نمٹنے کے اقدامات کا بھی جائزہ لیا گیا۔کمشنر گوجرانوالہ ڈویژن، ڈپٹی کمشنرز گجرات اور سیالکوٹ نے اجلاس میں ویڈیو لنک کے ذریعے شرکت کی۔

یہ بھی پڑھیں: عمرہ ویزے کی آڑ میں ملازمت کے لیے سعودی عرب جانے والے 16 مسافروں کو آف لوڈ کردیا گیا

وزیر کی اہم ہدایات

صوبائی وزیر خواجہ سلمان رفیق نے اظہار خیال کرتے ہوئے کہا کہ یہاں موقع پر خود سیلابی صورتحال سے نمٹنے کے لیے امدادی کارروائیوں کا جائزہ لیا ہے۔ متاثرہ علاقہ جات میں امدادی سرگرمیوں کو تیز کر دیا گیا ہے۔ آئندہ 24 گھنٹوں میں دریاؤں کے بہاؤ میں مزید اضافہ ہو سکتا ہے۔

یہ بھی پڑھیں: جونیئر جناح ٹرسٹ کا برما ٹاؤن میں “زیرو آؤٹ آف اسکول چلڈرن” ماڈل پراجیکٹ کا آغاز، پہلے مرحلے میں 360 بچوں کی انرولمنٹ

مقامی انتظامیہ کی تیاری

سیالکوٹ اور گجرات کی انتظامیہ کو الرٹ رہنے کی ہدایت کی گئی ہے۔ دریا کے کناروں سے شہریوں کے فوری انخلاء کو یقینی بنایا جا رہا ہے۔ دریائے ستلج میں اونچے درجے کے سیلاب سے 72 گاؤں متاثر ہو سکتے ہیں۔ اب تک 17 ہزار سے زائد شہریوں کو دریاؤں کے پاٹ سے محفوظ مقامات پر منتقل کیا جا چکا ہے۔

یہ بھی پڑھیں: سٹاک مارکیٹ میں شدید مندی کا رجحان، انڈیکس میں 1797 پوائنٹس کی کمی

ریلیف کیمپس اور ریسکیو آپریشن

تلوار پوسٹ ولے والا وکھی ونڈ اور سیجراں ولنرایبل پوائنٹس ہیں۔ شہریوں کی سہولت کی خاطر 26 فلڈ ریلیف کیمپس قائم کیے گئے ہیں۔ ریسکیو 1122 شہریوں کا بروقت انخلاء کو یقینی بنا رہی ہے۔ ریسکیو، سول ڈیفنس اور دیگر متعلقہ محکمہ جات فیلڈ میں مکمل طور پر متحرک ہیں۔

یہ بھی پڑھیں: برطانوی شہری کے دبئی میں کھونے والے ائیر پوڈز جہلم پولیس نے کیسے ڈھونڈے؟ دلچسپ کہانی جانیے

سپیکر پنجاب اسمبلی کا بیان

اس موقع پر سپیکر پنجاب اسمبلی ملک محمد احمد خان نے اظہار خیال کرتے ہوئے کہا کہ گنڈا سنگھ والا کے اطراف ستلج سے تمام شہریوں کو بحفاظت محفوظ مقامات پر منتقل کیا جائے۔ دریائے راوی اور دریائے ستلج کے پاٹ میں قائم آبادیوں کے انخلاء کو یقینی بنایا جا رہا ہے۔ متاثرہ علاقہ جات میں شہریوں کے تحفظ کے لیے تمام تر وسائل بروئے کار لائے جا رہے ہیں۔

ڈی جی پی ڈی ایم اے کی معلومات

ڈی جی پی ڈی ایم اے عرفان علی کاٹھیا نے کہا کہ ندی نالوں کے اطراف آبادیوں کو ممکنہ خطرے کے پیش نظر آگاہی فراہم کی جا رہی ہے۔ خستہ حال عمارتوں میں مقیم شہریوں کو بھی محفوظ مقامات پر منتقل کیا جا رہا ہے۔