بھارت نے سندھ طاس معاہدے کے تحت پاکستان کو ممکنہ سیلاب کے خطرے سے آگاہ کر دیا

بھارت کا پاکستان کو سیلاب کے خطرے سے آگاہی

ممبئی (ڈیلی پاکستان آن لائن) بھارت نے سندھ طاس معاہدے کے تحت پاکستان کو ممکنہ سیلاب کے خطرے سے آگاہ کردیا ہے۔

یہ بھی پڑھیں: جو قرض رکھتے تھے جان پر وہ حساب آج چکا دیا‘ وزیر دفاع کا بھارت کو پیغام

معاہدہ کے تحت رابطہ

میڈیا رپورٹس کے مطابق سندھ طاس معاہدے کے तहत بھارت نے پاکستان سے رابطہ کر کے مقبوضہ کشمیر کے دریا میں پانی چھوڑنے سے متعلق آگاہ کیا۔

یہ بھی پڑھیں: شیر افضل مروت نے زہر دیئے جانے کی خبروں پر خاموشی توڑ ڈالی

سرکاری ذرائع کی تصدیق

اس ضمن میں سرکاری ذرائع نے بتایا کہ اسلام آباد میں بھارتی ہائی کمیشن نے جموں کشمیر کے دریائے طوی کے مقام پر بڑے سیلاب کے ممکنہ خطرے سے باضابطہ طور پر پاکستان کو آگاہ کر دیا ہے۔

پانی چھوڑنے کی پیشگی اطلاع

ذرائع کے مطابق 24 اگست کی صبح بھارت کی جانب سے پانی چھوڑنے کی اطلاع دی گئی ہے۔ بھارتی اطلاع کے بعد پنجاب کے مختلف علاقوں میں سیلاب کا خدشہ ظاہر کیا جا رہا ہے، جس کے تحت انتظامیہ کو اقدامات کی ہدایت کردی گئی ہے۔