الخدمت فاؤنڈیشن نے این ڈی ایم اے اور حکومت پاکستان کے تعاون سے 100 ٹن کی 31ویں کھیپ غزہ کیلئے روانہ کردی

امدادی سامان کی روانگی

لاہور (ڈیلی پاکستان آن لائن) الخدمت فاؤنڈیشن پاکستان، این ڈی ایم اور حکومت پاکستان کے تعاون سے ظلم وبربریت اور قحط سے متاثرہ غزہ کے لئے امدادی سامان روانہ کرنے کا سلسلہ مسلسل جاری ہے۔ 100 ٹن مزید امدادی سامان سوموار کو لاہور ائیرپورٹ سے مصر کے لئے روانہ کیا گیا۔

یہ بھی پڑھیں: عرب شہری کی ملازمہ کے ساتھ شرمناک حرکت، عدالت نے سخت سزا سنادی

امدادی کاروائی میں شرکت

نائب صدر الخدمت ائیر مارشل (ر) ارشد ملک، وفاقی وزیر چوہدری سالک حسین، سیکرٹری جنرل الخدمت سید وقاص جعفری، ڈاکٹر مشتاق مانگٹ، ذکر اللہ مجاہد، اور جنرل سیکرٹری الخدمت ہیلتھ ڈاکٹر عبد الرحمن نے امدادی سامان اپنے مظلوم بہن بھائیوں کے لئے روانہ کیا۔

یہ بھی پڑھیں: سامنے دیوار کے ساتھ کھڑے ہو اور سیب سر پر رکھو اور میرا نشانہ چیک کرو

ریلیف مشن کی اہمیت

اس موقع پر گفتگو کرتے ہوئے ائیر مارشل (ر) ارشد ملک نے کہا کہ الخدمت فاؤنڈیشن نے این ڈی ایم اور حکومت پاکستان کے تعاون سے غزہ کے مظلوم بہن بھائیوں کے لیے 31 ویں ریلیف کھیپ روانہ کر دی ہے۔ اب تک مجموعی طور پر 4,645 ٹن امدادی سامان غزہ کے لیے روانہ کیا جا چکا ہے۔ انہوں نے کہا کہ غزہ میں جاری ظلم و بربریت اور خوراک، ادویات و طبی سہولیات کی شدید کمی کے پیش نظر یہ ریلیف مشن جاری رکھنا وقت کی اہم ضرورت ہے۔

یہ بھی پڑھیں: بلاول بھٹو نااہلی درخواست پر سماعت: عدالت کی اعتراض دور کرنے کی ہدایت

مواد کی مانیٹرنگ

انہوں نے مزید کہا کہ الخدمت کا ریڈ کریسنٹ سے معاہدہ ہے اور ہم ٹریکنگ آئی ڈی کے ذریعے سامان کو مسلسل مانیٹر کرتے رہتے ہیں۔ مصر میں الخدمت کا کیمپ آفس مکمل طور پر فنکشنل ہے۔ یہ امدادی سامان مصر میں پہنچ کر گودام میں بند نہیں ہوگا، بلکہ ریڈ کریسنٹ مصر کے ذریعے فوری طور پر رفاہ بارڈر پہنچے گا اور وہاں سے غزہ کے لئے روانہ کیا جائے گا۔

یہ بھی پڑھیں: غزہ سے اسرائیلی افواج کے انخلا کے معاملے پر وضاحت اور مزید بات چیت کی ضرورت ہے، قطر

وفاقی وزیر کا بیان

اس موقع پر وفاقی وزیر چوہدری سالک حسین نے گفتگو کرتے ہوئے کہا کہ الخدمت فاؤنڈیشن اور این ڈی ایم اے جس جذبے اور نظم و ضبط کے ساتھ غزہ کے عوام کے لئے ریلیف سرگرمیاں جاری رکھے ہوئے ہیں، وہ قابلِ تحسین ہے۔ غزہ سے آنے والی خبریں اور مناظر دل دہلا دینے والے ہیں اور ہر پاکستانی پر یہ فرض عائد ہوتا ہے کہ وہ نہ صرف متاثرین کی عملی مدد کرے بلکہ ان کی آواز دنیا بھر میں بلند کرے۔

فخر اور حمایت

چوہدری سالک حسین نے کہا کہ انہیں یہ جان کر خوشی ہوئی ہے کہ الخدمت فاؤنڈیشن اور این ڈی ایم اے ہر سطح پر ریلیف سامان کی مؤثر مینجمنٹ اور شفافیت کو یقینی بنا رہے ہیں۔ یہ ہمارے لیے فخر کی بات ہے کہ پاکستان میں ایسے ادارے موجود ہیں جو خلوصِ نیت کے ساتھ انسانیت کی خدمت کر رہے ہیں۔ ہمیں نہ صرف ان کی پذیرائی کرنی چاہیے بلکہ ہر ممکن تعاون بھی فراہم کرنا چاہیے تاکہ یہ سلسلہ مزید مؤثر انداز میں جاری رہ سکے۔