تجارتی اور سرمایہ کاری کو فروغ دینا چاہتے ہیں، تھائی لینڈ کی کاروباری کمیونٹی مراعات سے فائدہ اٹھائے: وزیر اعلیٰ مریم نواز

تھائی لینڈ کے سابق وزیراعظم کا عشائیہ

لاہور (ڈیلی پاکستان آن لائن) وزیراعلیٰ پنجاب مریم نواز کے اعزاز میں تھائی لینڈ کے سابق وزیراعظم اور ٹیلی کمیونیکیشن کے شعبے میں ممتاز کاروباری شخصیت تھکسان شینا وترا نے عشائیہ تقریب کا انعقاد کیا۔ تھائی لینڈ کی کم عمر ترین پہلی خاتون سابق وزیر اعظم پائیتونگترن شینا وترا نے بھی تقریب میں شرکت کی۔

یہ بھی پڑھیں: اسرائیل کا ایران پر حملہ، روس نے رد عمل جاری کر دیا

خوش آمدید اور خیر سگالی کے پیغامات

تھکسان شینا وترا اور ان کی صاحبزادی نے وزیر اعلیٰ مریم نواز کا پرتپاک خیرمقدم کیا۔ تھکسان شینا وترا نے پاکستان مسلم لیگ (ن) کے صدر اور سابق وزیراعظم محمد نواز شریف کے لیے نیک تمناؤں اور خیر سگالی کا پیغام دیا۔ دونوں سابق وزرائے اعظم نے وزیراعلیٰ مریم نواز کے پنجاب کی ترقی کے وژن اور اقدامات کو سراہا۔

یہ بھی پڑھیں: آٹو ٹیون کے بغیر وہ گلوکارہ نہیں: آئمہ بیگ اور سارہ رضا کا ایک دوسرے سے سامنا، آٹو ٹیون کے استعمال کو ‘باعث شرم’ کیوں قرار دیا؟

عوامی جدوجہد کی تعریف

تھکسان شینا وترا نے کہا کہ وزیراعلیٰ مریم نواز شریف اور سابق وزیراعظم نواز شریف کی عوامی جدوجہد متاثر کن ہے۔ وزیر اعلیٰ مریم نواز نے تھکسان شینا وترا اور پائیتونگترن شینا وترا کی تھائی لینڈ اور عوام کی ترقی کے لیے کاوشوں کو سراہا۔

یہ بھی پڑھیں: فوجی عدالتوں میں عام شہریوں کے ٹرائل کا کیس،زیرحراست افراد کی عام جیلوں میں منتقل کرنے کی لطیف کھوسہ کی استدعا مسترد

پاکستان اور تھائی لینڈ کی دوستی

وزیراعلیٰ مریم نواز نے کہا کہ آپ کی اصلاحات اور عوام کی فلاح و بہبود کے اقدامات کی تھائی لینڈ پر گہرے اثرات مرتب ہوئے۔ پاکستان اور تھائی لینڈ کی دوستی باہمی احترام اور معاشی تعاون پر مبنی ہے۔ جدت اور عوام کی خدمت پنجاب کی ترقی کا وژن ہے، آپ کا تعاون اس کی رفتار کو بڑھا سکتا ہے۔ ٹیکسٹائل، زراعت، سیاحت اور ٹیکنالوجی میں تجارت و سرمایہ کاری بڑھانا چاہتے ہیں۔ تھائی لینڈ کی کاروباری برادری مراعات سے فائدہ اٹھائے، پنجاب سے علاقائی منڈیوں تک رسائی آسان ہے۔

یہ بھی پڑھیں: بحرِ ہند میں ایک چھوٹے جزیرے پر پراسرار فضائی اور بحری ڈھانچے، کیا یہ بھارت کے نئے جاسوسی اڈے کا حصہ ہیں؟

ثقافتی سفارت کاری اور اصلاحات

وزیراعلیٰ مریم نواز نے کہا کہ ثقافتی سفارت کاری، تعلیم اور سیاحت کا فروغ ہمارے عوام کو مزید قریب لاسکتا ہے۔ تھائی لینڈ میں آپ کی متعارف کردہ اصلاحات سے ادارہ جاتی صلاحیت میں اضافے کی مثال قابل تقلید ہے۔ ڈیجیٹل نیشن کے وژن پر چلتے ہوئے نوجوانوں کو جدید شعبوں میں ہنر مند بنا رہے ہیں۔

شکریہ اور دعوت کا اعلان

وزیراعلیٰ مریم نواز نے عشائیہ تقریب کے اہتمام پر تھکسان شینا وترا اور ان کی صاحبزادی کا شکریہ ادا کیا اور پنجاب کے دورے کی دعوت بھی دی۔