یوٹیلٹی اسٹورز کارپوریشن کے لیے 27 ارب کا مالی پیکیج تیار، ملازمین کی رضاکارانہ علیحدگی اسکیم کے لیے 15 سے 18 ارب روپے مختص

وفاقی حکومت کا مالی پیکیج

اسلام آباد (ڈیلی پاکستان آن لائن) وفاقی حکومت نے یوٹیلٹی اسٹورز کارپوریشن کیلئے 27 ارب روپے کا بڑا مالی پیکیج تیار کر لیا۔ منظوری کل اقتصادی رابطہ کمیٹی کے اجلاس سے لی جائے گی۔

یہ بھی پڑھیں: جانی ڈیپ نے 650 ملین ڈالر گنوا دیے، دیوالیہ پن کے قریب

پی آئی اے کی نجکاری

حکام وزارت صنعت و پیداوار کے مطابق پی آئی اے کی نجکاری کیلئے جانچ پڑتال بھی جاری ہے۔ بولی رواں سال آخری سہہ ماہی میں کی جائے گی۔

یہ بھی پڑھیں: BNB کی فیشل کٹ نے فروخت کے تمام ریکارڈ توڑ دیے

قومی اسمبلی کی کمیٹی کا اجلاس

سما ٹی وی کے مطابق قومی اسمبلی کی قائمہ کمیٹی برائے نجکاری کے اجلاس میں ارکان نے یوٹیلٹی اسٹورز کی بندش اور ملازمین کو واجبات کی عدم ادائیگی پر گہری تشویش کا اظہار کیا۔ سیکرٹری صنعت و پیداوار نے بتایا کہ ملازمین کیلئے مالی پیکیج تیار کر لیا ہے۔ منظوری کیلئے کل وفاقی کابینہ کی اقتصادی رابطہ کمیٹی کے اجلاس میں پیش کیا جائے گا۔

یہ بھی پڑھیں: قاسم رونجھو نے اپنی پریس کانفرنس پر یوٹرن لے لیا

پیکیج کی تفصیلات

27 ارب کے پیکیج میں ملازمین کی رضاکارانہ علیحدگی اسکیم کیلئے 15 سے 18 ارب روپے شامل ہیں۔ 13 ارب 80 کروڑ روپے وینڈرز کو واجب الادا ہیں۔ یوٹیلٹی اسٹورز کے ذمہ مجموعی طور پر 54 ارب روپے کا قرضہ واجب الادا ہے। ادارے کے تقریباً 11 ہزار ملازمین میں سے صرف 300 کو نجکاری تک برقرار رکھا جائے گا۔

یہ بھی پڑھیں: بیرسٹر امجد ملک اوورسیز پاکستانیز کے معاون مقرر ،مسلم لیگ ن جرمنی کا خیرمقدم

کمیٹی کی تشویش

کمیٹی نے یوٹیلٹی اسٹورز ملازمین کیلئے پیکیج کی مکمل تفصیلات طلب کر لیں۔ نجکاری کمیشن حکام نے بتایا کہ پی آئی اے کی نجکاری کیلئے جانچ پڑتال شروع ہو چکی ہے۔

بجلی کی بندش پر تشویش

کمیٹی کے ارکان نے ملک کے مختلف علاقوں میں بجلی کی بندش پربھی گہری تشویش کا اظہار کیا۔ چیئرمین کمیٹی فاروق ستار بولے پندرہ پندرہ گھنٹے لوڈ شیڈنگ ہورہی ہے۔ کمیٹی نے وزیر توانائی کو اگلے اجلاس میں بریفنگ کیلئے بلا لیا۔