وزیراعظم نے گلگت میں سیکڑوں جانیں بچانے والے 3 چرواہوں کو قومی ہیرو قرار دے دیا، فی کس 25 لاکھ انعام

وزیرِ اعظم کی ملاقات غذر کے ہیروز سے

اسلام آباد (ڈیلی پاکستان آن لائن) وزیرِ اعظم شہباز شریف نے گلگت بلتستان کے علاقے غذر میں گلوف کی پیشگی اطلاع دے کر سیکڑوں جانیں بچانے والے تین چرواہوں وصیت خان، انصار اور محمد خان سے ملاقات کی۔ حکومت پاکستان کی جانب سے ان کو 25 لاکھ روپے کے علیحدہ علیحدہ انعامی چیکس پیش کئے گئے۔

یہ بھی پڑھیں: یہی وہ وقت تھا جب ان کی روح نے اس دنیا سے پرواز کی تھی، دل اور خون کی اپنی دنیا ہے جو کہیں بھی کسی بھی وقت بدلتی نہیں،آواز دیتی ہی دیتی ہے۔

ہیروز کی تعریف

اس موقع پر وزیرِ اعظم نے کہا، "آپ تینوں گلگت بلتستان کے ہیروز ہیں۔ بروقت اقدام کی بدولت مجھ سمیت پوری پاکستانی قوم کو آپ پر فخر ہے۔ انسانی خدمت کا آپ کا یہ اقدام ہمیشہ سنہری الفاظ میں یاد رکھا جائے گا۔"

یہ بھی پڑھیں: سندھ ہائی کورٹ: ایڈیشنل چیف سیکرٹری داخلہ سندھ کیخلاف نیب انکوائری کالعدم۔

موسمیاتی تبدیلی کا نظام

وزیرِ اعظم شہباز شریف نے مزید کہا کہ وزارت موسمیاتی تبدیلی گلگت بلتستان میں پیشگی اطلاعات کے نظام پر تیزی سے کام کر رہی ہے۔ مستقبل کے لیے ایسا مربوط نظام تشکیل دیا جا رہا ہے جس سے بروقت اطلاع کی بدولت کسی بھی ہنگامی صورتحال یا سانحے سے بچا جا سکے گا۔

یہ بھی پڑھیں: سونا 10ہزار روپے فی تولہ مہنگا، قیمت ملکی تاریخ کی بلند ترین سطح پر پہنچ گئی

چرواہوں کا شکرگزاری کا اظہار

وصیت خان، انصار اور محمد خان نے اس پذیرائی پر وزیرِ اعظم کا شکریہ ادا کیا۔ انہوں نے کہا کہ "اللہ کے فضل و کرم سے ہم انسانی جانیں بچانے میں کامیاب ہوئے، جس پر ہم اللہ کے شکر گزار ہیں۔"

حفاظتی اقدام

وصیت خان، انصار اور محمد خان بکرے چرانے کا کام کرتے ہیں جنہوں نے بلندی پر گلوف دیکھتے ہوئے اپنے گاؤں کال کر کے پیشگی اطلاع دی، جس کی وجہ سے 3 گاؤں کے مکینوں کا بروقت انخلا ہوا اور انسانی جانیں بچ گئیں۔