سفیر پاکستان برائے متحدہ عرب امارات کی طرف سے پاکستان میں سیلاب متاثرین کے ساتھ اظہار یکجہتی

پاکستان کے سفیر کا اظہارِ تعزیت

دبئی (طاہر منیر طاہر) - متحدہ عرب امارات میں پاکستان کے سفیر فیصل نیاز ترمذی نے پاکستان کے مختلف علاقوں، بشمول بونیر، سوات، باجوڑ، شانگلہ، مانسہرہ اور کشمیر و گلگت بلتستان میں حالیہ سیلاب کے باعث ہونے والے خوفناک جانی نقصان اور تباہی پر گہرے دکھ اور دلی تعزیت کا اظہار کیا ہے۔

یہ بھی پڑھیں: سابق آرمی چیف قمر جاوید باجوہ جسٹس قاضی فائز عیسیٰ سے کیوں ناراض تھے ۔۔۔؟ حامد میر نے تہلکہ خیز انکشافات کر دیئے

آزمائش کا وقت

سفیر فیصل نیاز ترمذی نے اس آفت کو نہ صرف متاثرہ خاندانوں بلکہ پوری قوم کے لیے ایک سنگین آزمائش قرار دیا۔ انہوں نے متحدہ عرب امارات میں پاکستانی کمیونٹی پر زور دیا کہ وہ اس مشکل وقت میں اپنے ہم وطنوں کے ساتھ کندھے سے کندھا ملا کر کھڑے ہوں، ان کے دکھ میں شریک ہوں اور متاثرہ افراد کی ہر ممکن مدد کریں۔

یوم آزادی کی تقریبات کا اعلان

متاثرین اور ان کے اہل خانہ کے ساتھ یکجہتی کے اظہار میں، سفیر فیصل نیاز ترمذی نے یو اے ای میں منعقد ہونے والی یوم آزادی کی تقریبات کو ملتوی کرنے کا اعلان کیا۔ سفیر نے دعا کی کہ اللہ تعالیٰ مرحومین کی روح کو ابدی سکون عطا فرمائے اور سوگوار خاندانوں کو صبر جمیل عطا فرمائے۔ (آمین)