وزیراعظم لیپ ٹاپ سکیم میں حکومت کو ایک کروڑ روپے سے زائد کے نقصان کا انکشاف

لیپ ٹاپ اسکیم میں غائب لیپ ٹاپس کا انکشاف

اسلام آباد (ڈیلی پاکستان آن لائن) وزیراعظم کی لیپ ٹاپ اسکیم کے تحت فراہم کردہ لیپ ٹاپ غائب ہونے کی خبر سامنے آئی ہے۔

یہ بھی پڑھیں: ہم دوست نہیں، کونسی معروف اداکارہ ابھیشیک اور ایشوریا کی شادی میں مدعو نہ ہونے پر سخت ناراض ہوئیں؟

اجلاس میں انکشافات

تفصیلات کے مطابق پبلک اکاؤنٹس کی ذیلی کمیٹی کے اجلاس کے دوران ایچ ای سی کی جانب سے مختلف یونیورسٹیوں کو دیے گئے وزیراعظم لیپ ٹاپ اسکیم فیز 2 کے کچھ لیپ ٹاپ غائب ہونے کا معاملہ سامنے آیا۔

یہ بھی پڑھیں: سہ ملکی سیریز، پاکستان اور افغانستان کا آج پھر جوڑ پڑے گا

رپورٹ کا خلاصہ

ہائر ایجوکیشن کمیشن (ایچ ای سی) حکام کے مطابق، مختلف یونیورسٹیوں کو دیے گئے 784 لیپ ٹاپ ریکور کر لیے گئے ہیں، مگر 227 لیپ ٹاپ اب بھی لاپتا ہیں۔

حکومتی نقصان

ایچ ای سی حکام کا کہنا ہے کہ رپورٹ کے مطابق غائب لیپ ٹاپس سے حکومت کو ایک کروڑ 19 لاکھ روپے سے زائد کا نقصان ہوا ہے۔ اس کے علاوہ، یونیورسٹیوں کی جانب سے 757 لیپ ٹاپس کا ریکارڈ پیش نہیں کیا گیا ہے۔