پنجاب کی جیلوں میں قیدیوں کے اہل خانہ کی سہولت کے لیے فری شٹل سروس کا آغاز

پنجاب میں قیدیوں کے اہل خانہ کی سہولت

لاہور (ڈیلی پاکستان آن لائن) محکمہ داخلہ پنجاب نے قیدیوں کے اہل خانہ کی سہولت کے لئے ایک احسن اقدام کیا ہے، جس کے تحت پنجاب کی جیلوں میں قیدیوں کے اہل خانہ کے لئے مفت شٹل سروس کا آغاز کیا گیا ہے۔

یہ بھی پڑھیں: کینیڈا کی خفیہ ایجنسی نے بھارت کو غیر ملکی مداخلت کا مرتکب قرار دیدیا

فری شٹل سروس کا آغاز

یہ بھی پڑھیں: صرف ”رافیل“ نہیں ”4گھنٹے“ میں اور بھی بہت کچھ ”فیل“ ہوا۔۔۔ ثبوت موجود ہیں۔۔۔ انتہا پسندوں اور بھارتی فوجی حلقوں میں نئی بحث چھڑ گئی

تفصیلات

تفصیلات کے مطابق، چیئرپرسن ٹاسک فورس رانا منان اور سیکرٹری داخلہ پنجاب نے فری الیکٹرک شٹل سروس کا افتتاح کیا۔ یہ سروس جیل کے داخلی دروازے سے انتظار گاہ اور ملاقاتی شیڈ تک فراہم کی گئی ہے۔ سینٹرل جیل لاہور سے شروع ہونے والی یہ سروس پنجاب بھر کی جیلوں میں پھیلائی جائے گی۔ اسیران کے اہل خانہ، خواتین، بچے، اور بزرگ اب موسم کی شدت اور کئی کلومیٹر کے پیدل سفر سے محفوظ رہیں گے۔ رانا منان خان اور سیکرٹری داخلہ پنجاب نے قیدیوں کے اہل خانہ کے ساتھ الیکٹرک کارٹ میں سفر کیا۔ اس موقع پر آئی جی جیل خانہ جات میاں فاروق نذیر، ایڈیشنل سیکرٹری پریزن عاصم رضا، ڈی آئی جی پریزن نوید رؤف، اور جیل سپرنٹینڈنٹ اعجاز اصغر بھی ہمراہ تھے۔ رانا منان خان اور ڈاکٹر احمد جاوید قاضی نے قیدیوں کے اہل خانہ سے ملاقات کی اور ان کے مسائل دریافت کیے۔

یہ بھی پڑھیں: کے پی اور بلوچستان میں کارروائیاں، 16 خوارج ہلاک

چیئرپرسن کا بیان

چیئرپرسن ٹاسک فورس رانا منان خان نے کہا کہ وزیراعلیٰ پنجاب کے وژن کے مطابق جیلوں کو اصلاحی مراکز میں تبدیل کیا جا رہا ہے۔ جیل داخلے کے وقت تمام اسیران کی میڈیکل سکریننگ کی جاتی ہے۔ لاہور اور نارووال میں فری شٹل سروس کا آج آغاز ہوگیا، جو جلد صوبہ بھر میں دستیاب ہوگی۔

سیکرٹری داخلہ کا اعلان

سیکرٹری داخلہ پنجاب نے کہا کہ قیدیوں سے ملاقات میں سہولت کے لئے جلد ’’ملاقات ایپ‘‘ لانچ کی جائے گی۔ اسیران کے اہل خانہ گھر بیٹھے آن لائن ملاقات کا وقت لے سکیں گے۔ اس سال پنجاب کی جیلوں میں 6 ہزار قیدیوں کی گنجائش کا اضافہ کیا جا رہا ہے، اور لاہور، فیصل آباد، اور راولپنڈی میں خواتین کی جیلیں تعمیر ہو رہی ہیں۔ اسیران کو اہل خانہ سے بات کرنے کے لئے پی سی او سروس بھی فراہم کی جا رہی ہے۔ سیف جیل منصوبے کے تحت پنجاب بھر کی جیلوں میں 12 ہزار جدید کیمرے نصب ہونگے۔