صورتحال ٹف ہے ، کسی سطح پر کوئی مذاکرات نہیں ہو رہے ،سلمان اکرم راجہ کے استعفے پر بانی پی ٹی آئی فیصلہ کریں گے:بیرسٹر گوہر

پی ٹی آئی کے چیئرمین کا استعفے کے معاملے پر اظہارِ خیال

راولپنڈی (ڈیلی پاکستان آن لائن) پاکستان تحریک انصاف (پی ٹی آئی) کے چیئرمین بیرسٹر گوہر خان نے کہا ہے کہ لوگ فلمیں نہ چلائیں، پارٹی عہدے سے استعفیٰ دینا سنجیدہ ایشو ہے۔ سلمان اکرم راجہ کے استعفے کے بارے میں سنا ہے لیکن ان کا بیان نہیں پڑھا۔ سلمان اکرم راجہ کے استعفے پر بانی پی ٹی آئی فیصلہ کریں گے، کوئی لیڈر پبلک میں کمنٹس نہ کرے۔

یہ بھی پڑھیں: ریلوے کے نظام کی کمپیوٹرائزیشن اور امریکہ سے آنے والے انجنوں کی تربیت کی ضرورت

میڈیا سے گفتگو

راولپنڈی میں اڈیالہ جیل کے باہر میڈیا سے گفتگو کرتے ہوئے انہوں نے کہا کہ سلمان اکرم راجہ سمیت کسی لیڈر کو پارٹی معاملات پر ٹوئٹ نہیں کرنا چاہیے۔ بدقسمتی سے پارٹی کے اندر سے کوئی نہ کوئی چیز باہر آتی ہے جس سے تنازع کھڑا ہوتا ہے۔ پارٹی کے اندر سے باتیں باہر آتی ہیں تو لوگ سمجھتے ہیں کہ اختلافات ہیں۔ بانی کی بھی واضح ہدایات ہیں کہ کوئی پارٹی لیڈر پبلک میں اپنا استعفیٰ پیش نہیں کرے گا۔

یہ بھی پڑھیں: سکیورٹی فورسز کی کارروائی، فتنہ الہندوستان کے 2 دہشت گرد جہنم واصل

ملاقات کی ممانعت

بیرسٹر گوہر نے کہا کہ آج بانی سے ملنے آیا تھا، لیکن پولیس نے روک دیا ہے۔ ملاقاتوں سے روکنا مناسب بات نہیں، میں ہمیشہ کہتا ہوں کہ مفاہمت ہونی چاہیے۔ ناجائز سزاؤں، نااہلیوں اور گرفتاریوں سے دوریاں بڑھیں گی۔

یہ بھی پڑھیں: جنرل ساحر شمشاد مرزا کی عوامی جمہوریہ چین کی پیپلز لبریشن آرمی کے 98ویں یومِ تاسیس کی تقریب میں بطور مہمانِ خصوصی شرکت

انتخابات میں حصہ لینے کا فیصلہ

سیاسی کمیٹی نے انتخابات میں حصہ لینے یا نہ لینے کا فیصلہ اگر کیا ہے تو میں اس میٹنگ میں نہیں تھا۔ بانی کی ہدایات اگر انتخابات میں حصہ نہ لینے کی ہیں تو بانی کی بات ہی حتمی ہوگی۔ ضمنی انتخابات میں جانے کے حوالے سے بانی پی ٹی آئی فیصلہ کریں گے۔

سیلاب کی تباہی

چیئرمین پی ٹی آئی نے یہ بھی کہا کہ سیلاب کی تباہی کی وجہ سے بونیر میں تھا۔ سیلاب کی تباہ کاریاں اللہ کی طرف سے آزمائش ہے۔ کے پی میں 10 ضلعے متاثر ہوئے ہیں۔ وفاق نے صرف 200 ٹینٹ، 5 جنریٹر اور 5 ڈی واٹرنگ پمپ دیئے ہیں۔ وفاقی حکومت کی امداد بہت کم ہے، حکومت کو دل کھول کے مدد کرنی چاہیے۔