کراچی کے تمام 7 اضلاع کے ماحولیاتی نمونوں میں پولیو وائرس کی موجودگی کا انکشاف
پولیو وائرس کی موجودگی کا انکشاف
کراچی (ڈیلی پاکستان آن لائن) شہر قائد کے تمام 7 اضلاع کے ماحولیاتی نمونوں میں پولیو وائرس کی موجودگی کا انکشاف ہوا ہے۔
یہ بھی پڑھیں: اسرائیلی بربریت کو اب فوری طور پر رکنا چاہیے، اسرائیل کو انسانیت کیخلاف جنگی جرائم پر احتساب کے کٹہرے میں لانا چاہیے، وزیراعظم شہباز شریف
ماحولیاتی نمونے اور ان کے نتائج
جیو نیوز کے مطابق ذرائع وزارت صحت کا کہنا ہے کہ شہر کے 7 اضلاع کے مختلف مقامات سے 78 ماحولیاتی نمونے لیے گئے تھے جن میں:
- ضلع شرقی سے 24
- ضلع کیماڑی سے 15
- ضلع جنوبی سے 14
- ضلع کورنگی سے 7
- ملیر سے 7
- وسطی سے 6
- غربی سے 5
جانچ کے بعد تمام ماحولیاتی نمونے پولیو سے متاثرہ پائے گئے ہیں۔
یہ بھی پڑھیں: بلاک چین کے لیے اہم پیش رفت، پاکستان 21 بلین ڈالر کی کرپٹو مارکیٹ کو قانونی فریم ورک میں لانے کے لیے تیار
قومی انسداد پولیو مہم
دوسری جانب ترجمان ایمرجنسی آپریشن سینٹر کے مطابق یکم ستمبر سے قومی انسداد پولیو مہم شروع ہوگی۔
والدین کے لیے اپیل
ترجمان نے بتایاکہ شہر میں اب تک پولیو کا کوئی کیس رپورٹ نہیں ہوا۔ والدین سے اپیل کی گئی ہے کہ وہ اپنے بچوں کو پولیو سے بچاؤ کے قطرے ضرور پلائیں۔
