این اے 129 ضمنی الیکشن، میری پہلی چوائس مہر واجد تھے، حماد اظہر

حماد اظہر کا این اے 129 کی انتخابی صورتحال پر بیان

لاہور (ڈیلی پاکستان آن لائن) پاکستان تحریک انصاف کے رہنما حماد اظہر نے بتایا کہ وہ این اے 129 کا ضمنی الیکشن مہر واجد کو لڑانا چاہتے تھے۔ تاہم، بیٹے کی شادی کی وجہ سے انہوں نے اس معاملے سے انکار کردیا۔

یہ بھی پڑھیں: دھابیجی پمپنگ اسٹیشن پر بجلی کا بریک ڈاؤن، پانی کی فراہمی متاثر

عمران خان کا بائیکاٹ کا مؤقف

حماد اظہر نے اپنے ایک ٹویٹ میں کہا کہ آج عمران خان نے واضح کیا کہ ہمارا بائیکاٹ کا معاملہ ان حلقوں پر ہے جہاں ہمارے ممبران کو ناانصافی کر کے نااہل کیا گیا۔ لیکن میاں اظہر مرحوم کے حلقے کا معاملہ مختلف ہے اور یہاں الیکشن لڑا جائے گا۔ انہوں نے مزید کہا کہ فوتگی کی وجہ سے میاں اظہر کے گھرانے میں سے کوئی یا حماد اظہر کا نامزد امیدوار یہاں سے الیکشن لڑے گا۔

یہ بھی پڑھیں: مسلمان مصیبت میں گھبرایا نہیں کرتے

مہر واجد کا انتخابی انکار

حماد اظہر کے مطابق، چونکہ وہ الیکشن نہیں لڑ رہے، ان کی پہلی چوائس تحریک انصاف کے ٹکٹ کے لیے مہر واجد تھے جو کہ سنئیر ترین کارکن ہیں اور اس حلقے سے ایم پی اے کا الیکشن لڑتے ہیں۔ تاہم، جنرل الیکشن میں پولیس نے ان کے کاغذ جمع نہیں ہونے دئیے۔ حماد اظہر نے وضاحت کی کہ "واجد صاحب کے بیٹے کی شادی ہے الیکشن سے تین روز قبل، لہٰذا انہوں نے انکار کر دیا۔"

حلقے کی صورت حال

واضح رہے کہ این اے 129 کی نشست سابق گورنر پنجاب میاں اظہر کے انتقال کے باعث خالی ہوئی تھی۔ ان کے صاحبزادے حماد اظہر نے بتایا کہ وہ گھر کے اکلوتے مرد ہیں، اس لیے والدہ نے انہیں الیکشن لڑنے سے منع کردیا۔ حماد اظہر نے اپنی جگہ اپنے کزن کو امیدوار نامزد کیا ہے۔