منشیات سمگلنگ کیس؛ سپریم کورٹ کا ملزم کو ضمانت دینے سے انکار

سپریم کورٹ کا فیصلہ

اسلام آباد(ڈیلی پاکستان آن لائن) سپریم کورٹ نے منشیات سمگلنگ کیس میں ملزم کو ضمانت دینے سے انکار کر دیا۔

یہ بھی پڑھیں: 40 ہزار روپے مالیت کے پریمیم پرائز بانڈ کی سال 2025 کی آخری قرعہ اندازی کی تاریخ کا اعلان کردیا گیا

سماعت کا عمل

نجی ٹی وی چینل دنیا نیوز کے مطابق جسٹس حسن اظہر رضوی کی سربراہی میں 2 رکنی بنچ نے منشیات سمگلنگ کیس میں ملزم کی درخواست ضمانت پر سماعت کی۔

یہ بھی پڑھیں: سکیورٹی خدشات، کوئٹہ سے اندرون ملک اور اندرون صوبہ چلنے والی تمام ٹرینیں معطل

ملزم کی صورتحال

وکیل اے این ایف نے کہاکہ ملزم سے 10 کلو ہیروئن اور ڈرون برآمد ہوا، ملزم کے ساتھ پنجاب پولیس کا اہلکار بھی ملوث ہے۔ جسٹس نعیم اختر افغان نے کہاکہ منشیات سمگلنگ کیلئے آج کل ڈرون کا استعمال ہوتا ہے، پاکستان سے منشیات ڈرون کے ذریعے انڈیا کی سرحد میں گرائی جاتی ہے۔ منشیات سمگلنگ میں بااثر لوگ ملوث ہیں، اگر ملزم کو ضمانت دے دیں تو وہ مفرور ہو جائے گا۔

عدالتی رائے

جسٹس نعیم اختر افغان نے کہاکہ ڈرون سے منشیات سمگلنگ کے واقعات زیادہ رپورٹ نہیں ہو رہے، ملزم سزا سے خوفزدہ ہو کر ضمانت چاہتا ہے۔ وکیل ملزم نے کہا کہ سزا ہوئی تو عدالت آ جائیں گے، جسٹس حسن اظہر رضوی نے کہاکہ ٹرائل کورٹ سے کارروائی مکمل کروائیں۔