متحدہ عرب امارات میں 5 ستمبر عید میلادالنبیؐ کے موقع پر عام تعطیل کا اعلان

عید میلادالنبیؐ کی عام تعطیل کا اعلان

دبئی(ڈیلی پاکستان آن لائن)متحدہ عرب امارات میں 5 ستمبر بروز جمعہ عید میلادالنبیؐ کے موقع پر عام تعطیل کا اعلان کر دیا گیا۔

یہ بھی پڑھیں: Punjab Government Orders Arrest of PTI’s 1590 Workers

وفاقی انسانی وسائل اتھارٹی کا سرکلر

خبر ایجنسی کے مطابق وفاقی انسانی وسائل اتھارٹی نے تمام وزارتوں اور وفاقی اداروں کو اس حوالے سے سرکلر جاری کیا ہے، جبکہ موقع کی مناسبت سے قیادت، حکومت اور عوام کے ساتھ ساتھ عرب و اسلامی دنیا کو بھی مبارکباد پیش کی گئی۔

نجی شعبے کے ملازمین کے لیے تعطیل

دوسری جانب وزارتِ انسانی وسائل اور ایمریٹائزیشن نے اعلان کیا ہے کہ نجی شعبے کے ملازمین کیلئے بھی 5 ستمبر کو باقاعدہ تنخواہ کے ساتھ تعطیل ہوگی۔ وزارت نے قیادت، شہریوں اور رہائشیوں کو اس بابرکت موقع پر دلی مبارکباد دی ہے۔