بھارتی ہائی کمیشن نے پاکستان کو دریاؤں میں سیلاب سے متعلق نئی وارننگ جاری کر دی

بھارت کی جانب سے پانی چھوڑنے کا اثر

لاہور (ڈیلی پاکستان آن لائن) بھارت کی طرف سے دریاؤں میں پانی چھوڑنے کے بعد پنجاب کے دریاؤں ستلج، راوی، اور چناب میں سیلابی صورتحال سنگین ہو گئی ہے۔ بھارت نے دریاؤں میں مزید سیلاب کی وارننگ بھی جاری کر دی ہے۔

یہ بھی پڑھیں: ایک بار طے ہو جانا چاہیے کہ نظرثانی کون سا بنچ سنے گا، وکیل فیصل صدیقی کا جسٹس امین الدین سے مکالمہ

بھارتی ہائی کمیشن کی اطلاع

نجی ٹی وی ایکسپریس نیوز کے مطابق، بھارتی ہائی کمیشن نے آگاہ کیا کہ دریائے ستلج فیروزپور کے مقام سے اور دریائے راوی مدھوپور سے سیلابی ریلا داخل ہو سکتا ہے۔ چناب میں اکھنور کے مقام پر بھی سیلابی ریلے کے داخل ہونے کی توقع ہے۔ تینوں دریاؤں میں اونچے درجے کا سیلاب آسکتا ہے، جس کی بنیاد پر انڈس واٹر کمیشن نے فلڈ الرٹ جاری کیا ہے۔

یہ بھی پڑھیں: موٹر سائیکل رکشے بنانے والی کمپنیوں کو بند کردینا چاہئے، 3 ماہ میں ریگولیٹ ہونے کا وقت دیں، لاہور ہائیکورٹ

گجرات میں حالات

گجرات میں دریائے چناب کے کری شریف حفاظتی بند کے اوپر سے پانی گزرنا شروع ہو چکا ہے، جس کی وجہ سے سڑکوں پر سیلابی ریلہ آ گیا ہے۔ ہیڈ مرالہ کے مقام پر پانی کا بہاؤ 9.5 لاکھ کیوسک سے تجاوز کر چکا ہے، جو کہ 2014 کے تباہ کن سیلاب کی یاد دلاتا ہے۔ شکر گڑھ میں دریائے راوی کا حفاظتی بند بھیکو چک کے مقام پر ٹوٹ گیا، جس سے متعدد دیہات زیر آب آگئے ہیں۔

یہ بھی پڑھیں: حکومت نے نجی شعبے سے 7 وفاقی سیکرٹریز بھرتی کرنے کیلیے اشتہار دے دیا

امدادی کارروائیاں

متاثرہ علاقوں میں ضلعی انتظامیہ کی امدادی ٹیمیں ابھی تک نہیں پہنچ پائیں۔ مقامی افراد نے انتظامیہ کی غفلت پر شدید غم و غصے کا اظہار کیا ہے۔ بھمبھر نالے میں طغیانی سے نواحی دیہات کو خطرہ لاحق ہے، جہاں پانی کا کٹاؤ جاری ہے۔ شکرگڑھ کے گاؤں جرمیاں جھنڈا سے لوگوں کو ریسکیو کیا جا رہا ہے۔

یہ بھی پڑھیں: اسلام آباد اور راولپنڈی میں 3 دن کی شاندار تعطیلات کا اعلان

پاک فوج کی ریسکیو کارروائیاں

سیلابی صورتحال کے پیش نظر پاک فوج کا ریسکیو اینڈ ریلیف آپریشن جاری ہے۔ متاثرین کو کشتیوں کے ذریعے محفوظ مقامات تک پہنچایا جا رہا ہے۔ بچوں، بزرگ شہریوں اور خواتین سمیت متعدد افراد کو محفوظ جگہوں پر منتقل کیا گیا ہے۔

یہ بھی پڑھیں: اولمپک گولڈ میڈلسٹ ارشد ندیم سرجری کے بعد انگلینڈ سے وطن واپس آگئے

ریسکیو ہائی الرٹ

فلڈ کے پیش نظر لاہور، قصور، اوکاڑہ، پاکپتن، بہاولنگر، اور دیگر علاقوں میں ریسکیو کو ہائی الرٹ کر دیا گیا ہے۔ اب تک 32,589 لوگوں کا انخلاء کیا جا چکا ہے، جن میں 5,970 لوگوں کو گزشتہ روز نکالا گیا۔

ریسکیو کی تیاری

پنجاب بھر میں ممکنہ سیلابی علاقوں میں ریسکیو 1122 دن رات مصروف عمل ہے۔ 436 ریسکیو بوٹس اور تربیت یافتہ ریسکیورز کو ریسکیو آپریشن کے لیے تیار رکھا گیا ہے۔ کسی بھی ایمرجنسی کی صورت میں فوری ریسکیو ٹیمیں قریبی اضلاع سے روانہ کی جائیں گی۔