وزیر داخلہ محسن نقوی کا نیشنل پولیس اکیڈمی کا دورہ، 11 منزلہ ہاسٹل کے تعمیراتی کاموں کا معائنہ کیا

وزیر داخلہ کا نیشنل پولیس اکیڈمی کا دورہ

اسلام آباد (ڈیلی پاکستان آن لائن) وفاقی وزیر داخلہ محسن نقوی نے نیشنل پولیس اکیڈمی کا دورہ کیا اور زیر تعمیر 11 منزلہ ہاسٹل کے تعمیراتی کاموں کا معائنہ کیا۔ اس ہاسٹل میں 126 کمروں کی تعمیر کی جا رہی ہے جسے 5 مہینوں کے اندر مکمل کرنے کا ٹاسک دیا گیا ہے۔

یہ بھی پڑھیں: اسلام آباد ہائیکورٹ سمیت چاروں ہائیکورٹس میں مستقل چیف جسٹسز تعینات کرنے کا فیصلہ

اکیڈمی کا سوئمنگ پول اور مقابلہ

تفصیلات کے مطابق وزیرداخلہ محسن نقوی نے اکیڈمی کے سوئمنگ پول کا بھی دورہ کیا اور زیر تربیت پولیس افسران کے درمیان سوئمنگ مقابلے کا مشاہدہ کیا۔

یہ بھی پڑھیں: رواں سال پنجاب حکومت کی کارکردگی سب سے خراب رہی،مشیر خزانہ مزمل اسلم

اہم اجلاس کی صدارت

’’ایکسپریس نیوز‘‘ کے مطابق اس موقع پر وزیر داخلہ نے نیشنل پولیس اکیڈمی میں ایک اہم اجلاس کی صدارت بھی کی جس میں اکیڈمی کی تنظیمِ نو اور گزشتہ اجلاس میں کیے گئے فیصلوں پر عمل درآمد کی پیش رفت کا جائزہ لیا گیا۔ اجلاس میں زیر تربیت افسران کی ایف آئی اے، فرانزک ایجنسی سمیت دیگر اداروں سے اٹیچمنٹ کے فیصلوں پر بھی تبادلۂ خیال ہوا۔

یہ بھی پڑھیں: پنجاب کے ہر شہر کے لیے خوبصورتی کا شاندار منصوبہ، وال چاکنگ ختم کرکے صفائی کا فیصلہ، 122 اسکیموں پر کام شروع، وزیر اعلیٰ نے منظوری دیدی

معیار کی اہمیت

وزیر داخلہ نے کہا کہ کام کی رفتار کے ساتھ معیار پر بھی کوئی سمجھوتہ نہیں کیا جائے گا۔

یہ بھی پڑھیں: میری زندگی 5 بنیادی میلانات کے گرد گھومتی ہے، نوکری چاکری، سیاحت، دوستی، عشق اور انسانیت۔سبھی کی اپنی اپنی مٹھاس اور کڑواہٹ ہے

تربیت اور سہولیات کا جائزہ

انہوں نے پروبیشنرز اور انسٹرکٹرز کی حوصلہ افزائی کی۔ وزیر داخلہ نے کلاس رومز، آفیسرز میس اور کھانے کے معیار کا بھی جائزہ لیا اور زیر تربیت افسران سے براہ راست ملاقات کر کے ان کی تجاویز بھی سنی۔

یہ بھی پڑھیں: کچھ تو گڑبڑ ہے، دیا: سی آئی ڈی کی ٹی وی اسکرین پر واپسی نے مداحوں کو ماضی کی یاد دلا دی۔

نئے تعلیمی کورس کی معلومات

نیشنل پولیس اکیڈمی کے ڈپٹی کمانڈنٹ نے بریفنگ دیتے ہوئے بتایا کہ نیشنل کمانڈ کورس مکمل کرنے والے اے ایس پیز کو ایم ایس کریمنالوجی اور پولیس سٹڈیز کی ڈگری دی جائے گی۔ تربیتی پروگرام میں تھانوں کے باقاعدہ دورے، سیف سٹی، ایف آئی اے، سائبر کرائم اور فرانزک کے شعبوں میں اٹیچمنٹ شامل ہے۔

یہ بھی پڑھیں: دریائے سندھ میں بھی شدید سیلابی صورتحال کا خطرہ

زیر تربیت افسران کی شکریہ

زیر تربیت افسران نے نیشنل پولیس اکیڈمی میں سہولتوں کی بہتری پر وزیر داخلہ کا شکریہ ادا کیا۔

حاضرین اور اعلیٰ حکام

اس موقع پر ڈپٹی کمانڈنٹ نیشنل پولیس اکیڈمی، چیف کمشنر اسلام آباد، ممبر انجنیئرنگ سی ڈی اے اور دیگر اعلیٰ حکام بھی موجود تھے۔