این ڈی ایم اے کی 29 اگست سے 9 ستمبر بارشوں کے نئے سلسلے کی پیش گوئی

نیشنل ڈیزاسٹر مینجمنٹ اتھارٹی کی پیش گوئی

اسلام آباد (ڈیلی پاکستان آن لائن) نیشنل ڈیزاسٹر مینجمنٹ اتھارٹی (این ڈی ایم اے) نے 29 اگست سے 9 ستمبر تک بارشوں کے نئے سلسلے کی پیش گوئی کر دی ہے۔

یہ بھی پڑھیں: الخدمت فاؤنڈیشن کی جانب سے غزہ مہاجرین کے لیے مصر، اردن، لبنان، القدس اور ویسٹ بینک میں 2915 جانور قربان

بارشوں کا نیا سلسلہ

نجی ٹی وی چینل دنیا نیوز کے مطابق چیئرمین این ڈی ایم اے لیفٹیننٹ جنرل انعام حیدر نے کہاکہ 29 اگست سے 9 ستمبر تک بارشوں کا نیا سلسلہ شروع ہوگا۔

مون سون بارشیں

چیئرمین این ڈی ایم اے کا کہنا تھا کہ ملک میں مون سون بارشوں کا 8 واں سلسلہ جاری ہے، پنجاب کے شمالی علاقوں میں معمول سے زیادہ بارشیں ہوئیں، جموں کے اطراف میں 300 ملی میٹر بارشیں ریکارڈ کی گئیں۔ شدید بارشوں سے دریاؤں میں طغیانی آئی ہے۔