روہت شرما کا غلطی سے ٹیسٹ کرکٹ سے ریٹائرمنٹ کا اعتراف، وجہ بھی بتا دی
روہت شرما کا ٹیسٹ کرکٹ سے ریٹائرمنٹ کا اعتراف
نئی دہلی (ڈیلی پاکستان آن لائن) بھارتی ٹیسٹ ٹیم کے کپتان روہت شرما نے ٹیسٹ فارمیٹ کو ذہنی طور پر چیلنجنگ اور مشکل ترین قرار دیتے ہوئے غلطی سے ٹیسٹ کرکٹ سے ریٹائرمنٹ کا اعتراف کر لیا۔
یہ بھی پڑھیں: 9 مئی کو ملک گیر فسادات برپا کرنے والے ایک مرتبہ پھر سے پر تشدد کارروائیاں کر رہے ہیں: شہباز شریف
روہت شرما کا کیریئر اور کارکردگی
بھارتی ٹیم کے سابق ٹیسٹ کپتان روہت شرما نے اپنے ٹیسٹ کیرئیر میں 67 میچز میں 116 اننگز میں 4301 رنز بناچکے ہیں۔ روہت نے ٹیسٹ کیرئیر میں 12 سنچریاں اور 18 نصف سنچریاں بھی اسکور کیں۔ تاہم، کچھ مہینے سے روہت شرما ٹیسٹ فارمیٹ سے دوری اختیار کیے ہوئے ہیں اور آج کل شبمن گل بھارتی ٹیسٹ ٹیم کی قیادت کر رہے ہیں۔
یہ بھی پڑھیں: تیل کمپنیوں کی ایڈوائزری کونسل نے منافع بڑھانے کا مطالبہ کردیا
ٹیسٹ کرکٹ کی مشکلات پر روشنی
بھارتی میڈیا کو دیے گئے انٹرویو میں روہت شرما نے ٹیسٹ کرکٹ کے حوالے سے خاموشی توڑتے ہوئے کہا کہ ’ٹیسٹ کرکٹ میں گزارے گئے 5 دن ذہنی طور پر بہت مشکل اور پریشان کن ہوتے ہیں‘۔
یہ بھی پڑھیں: چکن کی قیمت کا تعین نہ ہو سکا، دکانداروں نے انتظامیہ کے دعوے ہوا میں اڑ دئیے، مرضی کے ریٹ مقرر
کلب میچز اور تربیت
دوران گفتگو روہت شرما نے کہا کہ ’ممبئی میں کلب ٹیسٹ میچز بھی 2 یا 3 دن تک چلتے ہیں، یہاں کرکٹرز اسی روٹین میں تربیت حاصل کرتے ہیں، کیوں کہ اس دوران انھیں کم عمر سے ہی طویل طرز کی کرکٹ کھیلنے اور مشکل حالات سے نمٹنے کی تربیت دی جاتی ہے‘۔
یہ بھی پڑھیں: اوور سیز پاکستانی کے گھر پر چھاپہ، نقدی اور گندم چرانے والے پولیس اہلکار خود مشکل میں پھنس گئے، مقدمہ درج
کھیل کے ساتھ لطف اندوز ہونے کی یادیں
روہت شرما نے بتایا کہ ’جب میں نے کیرئیر کا آغاز کیا تو میرے لیے یہ صورتحال کھیل سے لطف اندوز ہونے جیسی تھی، کیوں کہ آپ اس وقت تیاری کی اہمیت کو نہیں سمجھ پاتے۔’
یہ بھی پڑھیں: رینجرز اہلکاروں پر گاڑی کس نے چڑھائی ، چونگی نمبر 26پر کیا ہوا , اب تک کتنے سیکیورٹی اہلکار شہید و زخمی ہوئے ۔۔۔؟ اہم تفصیلات جانیے
نظم و ضبط کی اہمیت
روہت نے اعتراف کرتے ہوئے مزید کہا کہ جب وقت کے ساتھ آپ سینئر کھلاڑیوں اور کوچز سے ملتے ہیں، آپ کو احساس ہونے لگتا ہے کہ یہ کتنا ضروری ہے، کیونکہ ٹیسٹ کرکٹ کی تربیت ہی دراصل آپ میں نظم و ضبط پیدا کرتی ہے۔
ریٹائرمنٹ کا دعویٰ
بھارتی میڈیا میں روہت شرما کی ریٹائرمنٹ کا دعویٰ ان الفاظ میں کیا گیا ہے ’ٹیسٹ فارمیٹ سے ریٹائر ہوئے روہت بھارت کو ورلڈکپ جتوانے کے ساتھ تینوں فارمیٹس سے خود کو منوانے کا ہنر رکھتے ہیں‘۔
