مری میں حکمران جماعت ن لیگ کی مرکزی قیادت کی بیٹھک،نئے چیف الیکشن کمشنر اور اہم آئینی امور پر مشاورت مکمل

حکمران جماعت ن لیگ کی قیادت کا اجلاس

لاہور (ڈیلی پاکستان آن لائن) حکمران جماعت ن لیگ کی مرکزی قیادت نے نئے چیف الیکشن کمشنر سمیت اہم سیاسی و آئینی امور پر مشاورت کرلی۔

یہ بھی پڑھیں: پاکستان دنیا کا پانچواں بڑا ملک ہے، ریپ پوری دنیا میں ہوتے ہیں، لیکن لاہور لندن سے زیادہ محفوظ ہے: طلال چوہدری

ملاقات کی تفصیلات

’’جنگ‘‘کے مطابق ذرائع کا کہنا ہے کہ مری میں سابق وزیراعظم اور ن لیگی صدر نواز شریف، وزیر اعظم شہباز شریف اور وزیراعلیٰ پنجاب مریم نواز نے ملاقات کی ہے۔ اس دوران تینوں رہنماؤں نے سیاسی اور آئینی امور سمیت سیلاب کی تباہ کاریوں پر بات چیت کی، نئے چیف الیکشن کمشنر سمیت دیگر اہم امور بھی زیر غور آئے۔ دوران ملاقات نواز شریف نے شہباز شریف کو سیاسی اور آئینی معاملات پر اتحادیوں سے رابطے جاری رکھنے کی ہدایت کی۔

یہ بھی پڑھیں: ڈی چوک جانے کے متنازع فیصلے سے لاپتہ قیادت کے مانسہرہ پہنچنے تک: حالیہ احتجاج میں تحریک انصاف کا نقصان اور فائدہ کیا رہا؟

سیلاب کی صورتحال پر تبادلہ خیال

پارٹی قائد کو وزیراعظم شہباز شریف اور وزیراعلیٰ پنجاب مریم نواز نے سیلاب کی تازہ صورتحال، امدادی سرگرمیوں اور متاثرین کی بحالی کے اقدامات پر بریفنگ دی۔ جس پر نواز شریف نے خیبر پختونخوا اور اب پنجاب میں بدترین سیلاب کی تباہ کاریوں پر افسوس کا اظہار کیا اور وزیر اعظم اور وزیر اعلیٰ پنجاب کو تباہ کاریوں سے نمٹنے کی ہدایت کی۔

یہ بھی پڑھیں: بارش پاک بھارت ٹاکرے کا مزہ خراب نہیں کرے گی بلکہ اسے مزید سنسنی خیز بنا دے گی،ٹیسٹ کرکٹر عامر سہیل

امدادی سرگرمیوں کی ہدایت

نواز شریف نے وزراء اور پارٹی کے اراکین اسمبلی کو متاثرہ علاقوں میں امدادی سرگرمیوں کی ہدایت بھی کی ہے۔

مریم نواز کا دورہ جاپان

ذرائع کے مطابق مریم نواز نے نواز شریف کو اپنے دورہ جاپان اور طے پانے والے معاہدوں سے بھی آگاہ کیا۔