کراچی میں امن مارچ کے دوران ہنگامہ آرائی، گرفتار 20 ملزمان کو جیل بھیج دیا گیا

کراچی میں امن مارچ کی قانونی کارروائی

کراچی (ڈیلی پاکستان آن لائن) انسداد دہشت گردی کی منتظم عدالت نے پاکستان تحریک انصاف کے امن مارچ کے دوران اشتعال انگیز تقاریر اور ہنگامہ آرائی کے مقدمے میں گرفتار 20 ملزمان کو جیل بھیج دیا۔

یہ بھی پڑھیں: وفاقی بیوروکریسی میں تقرر و تبادلے

سماعت کی تفصیلات

منتظم عدالت کے روبرو بنارس چوک پر پی ٹی آئی کے امن مارچ کے دوران اشتعال انگیز تقاریر اور ہنگامہ آرائی کے مقدمے کی سماعت ہوئی جہاں پولیس نے گرفتار 20 ملزمان کو جسمانی ریمانڈ ختم ہونے پر پیش کیا۔

یہ بھی پڑھیں: چیلنج پر درخواست: وفاقی حکومت، اٹارنی جنرل، ایڈووکیٹ جنرل کو 27A کا نوٹس جاری

عدالتی فیصلہ

عدالت نے ملزمان کو جوڈیشل ریمانڈ پر جیل بھیجتے ہوئے تفتیشی افسر سے آئندہ سماعت پر چالان طلب کر لیا۔

پولیس کی رپورٹ

پولیس کے مطابق ملزمان نے احتجاج کے دوران ریاست مخالف تقاریر اور نعرے بازی کی، جس کے نتیجے میں اہلکار زخمی ہوئے اور پولیس موبائل کو بھی نقصان پہنچا۔ مزید یہ کہ ملزمان کے خلاف پیرآباد تھانے میں مقدمہ درج کیا گیا تھا۔