بھارت، 55 سالہ خاتون کے ہاں 17 ویں بچے کی پیدائش

خاتون کی 17ویں بچے کی پیدائش

اُدے پور (ویب ڈیسک) راجستھان کے ضلع اُدے پور میں 55 سالہ خاتون ریکھا، جو کہ کاورا رام کی بیوی ہیں، نے اپنے 17ویں بچے کو جنم دیا ہے۔ ہسپتال حکام کے مطابق ماں اور بچہ دونوں صحت مند ہیں۔

یہ بھی پڑھیں: صورتِ حال انتہائی خطرناک، بھارت اپنی ناکامیوں پر پردہ ڈالنے کی کوشش کر رہا ہے: ممتاز زہرہ بلوچ

پہلے بچوں کی حالت

بھارتی میڈیا کی رپورٹ میں بتایا گیا ہے کہ اُدے پور کے لیلواس گاؤں میں رہنے والے ریکھا اور کاورا رام کے 5 بچے (4 بیٹے اور ایک بیٹی) پیدائش کے کچھ ہی عرصے بعد انتقال کر گئے تھے۔ اب ان کے 12 بچے زندہ ہیں جن میں 7 بیٹے اور 5 بیٹیاں شامل ہیں۔ ان کے 2 بیٹے اور 3 بیٹیاں شادی شدہ ہیں، جن کے بھی بچے ہیں۔

مالی مشکلات کا سامنا

بھارتی میڈیا کے مطابق، جوڑے کے مالی حالات نہایت ہی خراب ہیں۔ کباڑ کا کام کرکے گھر چلانے والے کاورا رام کا کہنا ہے کہ اسے بچوں کی شادیاں کرنے کے لیے سود پر قرض لینا پڑا۔ اس نے یہ بھی اعتراف کیا کہ گھر کا کوئی بھی فرد کبھی اسکول نہیں گیا۔