ریلا سندھ میں داخل ہو رہا ہے: شرجیل میمن

کراچی میں سیلابی صورتحال

کراچی (ڈیلی پاکستان آن لائن) وزیر اطلاعات سندھ شرجیل میمن نے کہا ہے کہ ملک میں سیلابی صورتحال ہے، ریلا سندھ میں داخل ہو رہا ہے، صوبائی حکومت مکمل طور پر الرٹ ہے۔

یہ بھی پڑھیں: اعظم سواتی کا پاسپورٹ کنٹرول لسٹ میں نام ڈالنے کیخلاف درخواست پر نیب، ایف آئی اے اور دیگر فریقین کو نوٹس جاری

وزیر اعلیٰ کا فعال کردار

’’جنگ‘‘ کے مطابق کراچی میں پریس کانفرنس کرتے ہوئے شرجیل میمن نے کہا کہ وزیر اعلیٰ مراد علی شاہ تمام صورتِ حال کو مانیٹر کر رہے ہیں، وزیر آبپاشی کو فیلڈ میں بھیجا ہوا ہے وہ بیراج کا دورہ کر رہے ہیں۔ اگر بارشیں ہوگئیں تو اس کے بھی انتظامات کیے گئے ہیں۔ چیئرمین بلاول بھٹو زرداری وزیراعلیٰ سندھ اور محکمے کے تمام افسران کے ساتھ رابطے میں ہیں۔

یہ بھی پڑھیں: نہروں کا معاملہ ،سینیٹر عرفان صدیقی نے پیپلز پارٹی کی “خاموشی ” پر سوال اٹھا دیا

ہدایات اور تیاریاں

تمام اراکین اسمبلی کو بھی اپنے حلقوں میں رہنے کی ہدایت کی گئی ہے۔ ریلیف کی صورت میں تمام بنیادی سہولتوں کا سامان ہے، کشتیوں کا بھی انتظام کیا ہوا ہے، عوام کو پریشان ہونے کی ضرورت نہیں۔ وزیراعلیٰ نے مانیٹرنگ سیل بھی قائم کیا ہے، 2010ء کے سیلاب میں بہت زیادہ تباہی ہوئی تھی۔

یہ بھی پڑھیں: بھارت یہ پانی راجستھان کو جانیوالی نہروں کی طرف بھی بھجوا سکتا تھا: رمیش سنگھ اروڑا کھل کر بول پڑے

پنجاب میں تباہی کا ذکر

انہوں نے کہا کہ پنجاب میں جو تباہ کاری ہوئی ہے ہم پنجاب حکومت کے ساتھ ہیں، پنجاب کو ہر قسم کا تعاون کرنے کے لیے تیار ہیں۔

ڈیم بنانے سے متعلق تحفظات

شرجیل میمن کا مزید کہنا تھا کہ ڈیم بنانے سے متعلق 3 صوبے اسمبلی میں قرارداد سے تحفظات کا اظہار کر چکے ہیں، ڈیم ہوتا تو بھی آفات سے بچا نہیں جا سکتا، قدرتی گزرگاہوں پر آبادی یا سوسائٹی قائم نہیں ہونی چاہیے۔