راولپنڈی میں 7 سالہ بچی کی لاش قبر سے غائب

قبر سے بچی کی میت غائب

راولپنڈی (ڈیلی پاکستان آن لائن) راولپنڈی کے تھانہ دھمیال کے علاقے گرجا میں قبر سے 7 سالہ بچی کی میت غائب ہو گئی۔ متوفی بچی کے والدین نے تھانہ دھمیال گرجا چوکی پولیس کو درخواست دے دی۔

یہ بھی پڑھیں: سپریم کورٹ؛ نورمقدم کیس کی سماعت میں دوپہر ایک بجے تک وقفہ، عدالت کا آج ہی فریقین کو سن کر فیصلہ کرنے کا عندیہ

واقعے کی تفصیلات

تفصیلات کے مطابق اس حوالے سے بچی کے ماموں کا کہنا ہے کہ بچی کا 26 اگست کو انتقال ہوا۔ تیسرے دن دعا کے لیے آئے تو کفن باہر پڑا تھا۔ علاقہ مکینوں نے اعلیٰ حکام سے واقعے کی تحقیقات کا مطالبہ کر دیا۔

پولیس کی تحقیقات

پولیس کے مطابق ابتدائی طور پر بظاہر قبر کی بے حرمتی کے شواہد نہیں ملے، معزز عدالت کی اجازت سے قبر کشائی کی جائے گی۔ پولیس کی جانب سے کہا گیا ہے کہ حقائق سامنے لانے کے لیے قبر کشائی کا پراسس کیا جا رہا ہے، قبر کشائی کے بعد قانون کے مطابق کارروائی عمل میں لائی جائے گی۔