لودھراں میں امدادی سرگرمیوں کے لیے فوج طلب

فوج کی طلبی

لاہور (ڈیلی پاکستان آن لائن) محکمہ داخلہ پنجاب نے لودھراں میں امدادی سرگرمیوں کے لئے فوج طلب کر لی۔

یہ بھی پڑھیں: سونے کی قیمت میں 8 ہزار سے زائد کا بڑا اضافہ، فی تولہ سونا کتنے کا ہوگیا؟

امدادی کاروائیاں

تفصیلات کے مطابق پاک فوج کے دستوں کو ضلعی انتظامیہ کی امداد اور انسانی جانوں کے تحفظ کے لئے طلب کیا گیا ہے۔ اس سے قبل لاہور، قصور، سیالکوٹ، فیصل آباد، نارووال، اوکاڑہ، سرگودھا اور حافظ آباد میں بھی فوج طلب کی گئی تھی۔ حکومت پنجاب کا سیلاب سے متاثرہ علاقوں میں ریسکیو اینڈ ریلیف آپریشن جاری ہے۔ ضلعی انتظامیہ، پی ڈی ایم اے، سول ڈیفنس، ریسکیو، پولیس 24/7 خدمات انجام دے رہے ہیں۔

یہ بھی پڑھیں: لارڈ کچز نے جلیانوالہ باغ میں ایک ہزار سے زیادہ معصوم لوگ مروا دیئے تھے،سوڈان میں اسلامی تحریک کو کچلنے میں بھی اس کا بڑا اور گھناؤناکردار تھا.

سول ڈیفنس کی کوششیں

پنجاب کے سیلاب متاثرہ علاقوں میں 9 ہزار سے زائد سول ڈیفنس رضاکار فرائض سر انجام دے رہے ہیں۔ سیلابی علاقوں میں سول ڈیفنس پنجاب کے ریلیف کیمپس قائم کیے گئے ہیں۔ سول ڈیفنس متاثرہ علاقوں سے عوام اور ان کے مویشیوں کی محفوظ مقامات تک بحفاظت منتقلی میں پیش پیش ہے۔

حکومتی اقدامات

ترجمان محکمہ داخلہ پنجاب نے کہا ہے کہ مشکل کی اس گھڑی میں سول ڈیفنس پنجاب شہریوں کا دوست اور مددگار ہے۔ عوام کے جان و مال کے تحفظ کے لئے ہر ممکن اقدامات کیے جا رہے ہیں۔ شہری ریسکیو اینڈ ریلیف آپریشن میں انتظامیہ کے ساتھ تعاون کریں۔