سابق رکن قومی اسمبلی رمیش کمار کے گھر سے ڈاکو 2 کروڑ روپے کا سامان لے اڑے

ڈکیتی کی واردات

اسلام آباد (ڈیلی پاکستان آن لائن) سابق رکن قومی اسمبلی رمیش کمار کے گھر میں ڈکیتی کی واردات، ڈاکو 2 کروڑ روپے کا سامان لے اڑے۔

یہ بھی پڑھیں: بھارتی خفیہ ایجنسی کے ٹویٹر اکاونٹس نے لورالائی واقعہ سے قبل ہی دہشتگردی کی خبری دی تھی : وسیم عباسی کا انکشاف

تفصیلات

ڈان نیوز کے مطابق رمیش کمار نے بتایا کہ 3 مسلح ڈاکو گھر میں داخل ہوئے اور توڑ پھوڑ کی، ڈاکو گھر سے 5 گھڑیاں، چشمے اور جوتے لے گئے جن کی مالیت 2 کروڑ روپے بنتی ہے۔ ڈاکوؤں نے ملازمین کو تشدد کا نشانہ بھی بنایا اور ان سے میرے بارے میں تفصیلات مانگتے رہے۔

زبان اور تفتیش

رمیش کمار کے مطابق 3 ڈاکو آپس میں پشتو زبان میں بات چیت کررہے تھے۔ پولیس نے سابق رکن قومی اسمبلی کے گھر میں ڈکیتی کا مقدمہ درج کر کے ضابطے کی کارروائی شروع کر دی ہے۔