سیالکوٹ، لاہور اور کراچی سمیت ملک بھر میں بارشوں کا الرٹ جاری
بارشوں کا الرٹ
اسلام آباد (ڈیلی پاکستان آن لائن) این ڈی ایم اے نے ملک کے مختلف علاقوں میں بارشوں کا الرٹ جاری کردیا۔ محکمہ موسمیات کے مطابق 29 اگست تا 2 ستمبر اسلام آباد میں گرج چمک کے ساتھ بارش متوقع ہے جبکہ پنجاب کے شمالی اور شمال مشرقی اضلاع میں 30 سے 31 اگست کے دوران شدید بارشوں کا امکان ہے۔
یہ بھی پڑھیں: ملتان ٹیسٹ: تیسرے روز کا کھیل ختم، انگلینڈ نے 3 وکٹ پر 492 رنز بنالیے
پنجاب میں بارش کی پیشگوئی
محکمہ موسمیات کے مطابق راولپنڈی، اٹک، جہلم، چکوال، لاہور، گوجرانوالہ، سیالکوٹ، گجرات، نارووال، حافظ آباد اور منڈی بہاؤالدین میں 30 سے 31 اگست تک بارش کا امکان ہے۔ وسطی و جنوبی پنجاب میں 29 تا 31 اگست کے دوران بارشوں کا امکان ہے اور نشیبی علاقے زیر آب آنے کا خدشہ ہے۔ ملتان، ڈی جی خان، راجن پور، لیہ، بھکر، ساہیوال، بہاولپور، بہاولنگر اور رحیم یار خان میں بھی 29 سے 31 اگست کے دوران بارش کا امکان ہے۔
یہ بھی پڑھیں: میری بیوی ڈاکٹر مشعل حافظہ تھیں اور اللہ تعالیٰ نے اُسے دینی و دنیاوی ہر لحاظ سے نوازا ہوا تھا، ڈاکٹر سعد اسلام
خیبرپختونخواہ میں بارشوں کی پیشگوئی
خیبرپختونخواہ میں بھی 29 تا 31 اگست کے دوران شدید بارشیں جبکہ ملاکنڈ اور ہزارہ ڈویژن میں لینڈ سلائیڈنگ کا خدشہ ہے۔ چترال، دیر، سوات، بونیر، مانسہرہ، ایبٹ آباد، پشاور، نوشہرہ، مردان، ڈی آئی خان، ٹانک، کوہاٹ اور بنوں میں 29 تا 31 اگست کے دوران بارشوں کا امکان ہے۔
یہ بھی پڑھیں: کمبوڈیا اور تھائی لینڈ کے درمیان متنازع سرحدی علاقے میں شدید جھڑپیں، متعدد شہریوں کی ہلاکت کی اطلاعات
آزاد کشمیر اور گلگت بلتستان میں بارشیں
آزاد کشمیر میں مظفرآباد، باغ، حویلی، کوٹلی، میرپور اور بھمبر میں 29 اگست تا 2 ستمبر شدید بارشیں متوقع ہیں جبکہ گلگت بلتستان میں 29 تا 31 اگست تک بارشوں اور لینڈ سلائیڈنگ کا خدشہ ہے۔ گلگت، اسکردو، ہنزہ، دیامر، استور، غذر اور گانچھے میں 29 تا 31 اگست تک بارشوں کا امکان ظاہر کیا گیا ہے۔
یہ بھی پڑھیں: پاکستانی ذہین لوگ، پاکستان کو نظر انداز نہیں کرسکتا، امریکی صدر نے دل کی بات کہہ دی
کراچی میں بارش کی پیشگوئی
این ڈی ایم اے کے مطابق کراچی میں 30 اگست تا 2 ستمبر تک بارشیں متوقع ہیں، ممکنہ شدید بارشوں کے باعث کراچی میں سیلاب کا بھی خدشہ ہے۔ ٹھٹہ، سجاول، بدین اور تھرپارکر میں بھی 30 اگست تا 2 ستمبر بارشیں متوقع ہیں۔ اسی طرح حیدرآباد، دادو، سکھر، گھوٹکی، لاڑکانہ، جیکب آباد اور کشمور میں 30 اگست تا یکم ستمبر موسلادھار بارشوں کا امکان ہے۔
دیگر علاقوں میں بارش کی پیشگوئی
این ڈی ایم اے کے مطابق گوادر، کیچ، پنجگور، خضدار، لسبیلہ اور قلات میں 29 اگست تا یکم ستمبر بارشیں متوقع ہیں۔
