سیالکوٹ، لاہور اور کراچی سمیت ملک بھر میں بارشوں کا الرٹ جاری

بارشوں کا الرٹ

اسلام آباد (ڈیلی پاکستان آن لائن) این ڈی ایم اے نے ملک کے مختلف علاقوں میں بارشوں کا الرٹ جاری کردیا۔ محکمہ موسمیات کے مطابق 29 اگست تا 2 ستمبر اسلام آباد میں گرج چمک کے ساتھ بارش متوقع ہے جبکہ پنجاب کے شمالی اور شمال مشرقی اضلاع میں 30 سے 31 اگست کے دوران شدید بارشوں کا امکان ہے۔

یہ بھی پڑھیں: بنوں میں نا معلوم افراد نے گیس پائپ لائن کو دھماکے سے اڑا دیا

پنجاب میں بارش کی پیشگوئی

محکمہ موسمیات کے مطابق راولپنڈی، اٹک، جہلم، چکوال، لاہور، گوجرانوالہ، سیالکوٹ، گجرات، نارووال، حافظ آباد اور منڈی بہاؤالدین میں 30 سے 31 اگست تک بارش کا امکان ہے۔ وسطی و جنوبی پنجاب میں 29 تا 31 اگست کے دوران بارشوں کا امکان ہے اور نشیبی علاقے زیر آب آنے کا خدشہ ہے۔ ملتان، ڈی جی خان، راجن پور، لیہ، بھکر، ساہیوال، بہاولپور، بہاولنگر اور رحیم یار خان میں بھی 29 سے 31 اگست کے دوران بارش کا امکان ہے۔

یہ بھی پڑھیں: وزیراعلیٰ گنڈاپور نے ڈی چوک کی بجائے کے پی ہاؤس جانے کی وجہ وضاحت کردی

خیبرپختونخواہ میں بارشوں کی پیشگوئی

خیبرپختونخواہ میں بھی 29 تا 31 اگست کے دوران شدید بارشیں جبکہ ملاکنڈ اور ہزارہ ڈویژن میں لینڈ سلائیڈنگ کا خدشہ ہے۔ چترال، دیر، سوات، بونیر، مانسہرہ، ایبٹ آباد، پشاور، نوشہرہ، مردان، ڈی آئی خان، ٹانک، کوہاٹ اور بنوں میں 29 تا 31 اگست کے دوران بارشوں کا امکان ہے۔

یہ بھی پڑھیں: کین ولیمسن پی ایس ایل کھیلنے پاکستان پہنچ گئے

آزاد کشمیر اور گلگت بلتستان میں بارشیں

آزاد کشمیر میں مظفرآباد، باغ، حویلی، کوٹلی، میرپور اور بھمبر میں 29 اگست تا 2 ستمبر شدید بارشیں متوقع ہیں جبکہ گلگت بلتستان میں 29 تا 31 اگست تک بارشوں اور لینڈ سلائیڈنگ کا خدشہ ہے۔ گلگت، اسکردو، ہنزہ، دیامر، استور، غذر اور گانچھے میں 29 تا 31 اگست تک بارشوں کا امکان ظاہر کیا گیا ہے۔

یہ بھی پڑھیں: اللّٰہ کا شکر کہ اب ڈائیلاگ کی اہمیت کو تسلیم کیا جارہا ہے،صدر اور وزیر اعظم سے بھی ملیں گے : فواد چودھری

کراچی میں بارش کی پیشگوئی

این ڈی ایم اے کے مطابق کراچی میں 30 اگست تا 2 ستمبر تک بارشیں متوقع ہیں، ممکنہ شدید بارشوں کے باعث کراچی میں سیلاب کا بھی خدشہ ہے۔ ٹھٹہ، سجاول، بدین اور تھرپارکر میں بھی 30 اگست تا 2 ستمبر بارشیں متوقع ہیں۔ اسی طرح حیدرآباد، دادو، سکھر، گھوٹکی، لاڑکانہ، جیکب آباد اور کشمور میں 30 اگست تا یکم ستمبر موسلادھار بارشوں کا امکان ہے۔