بارشوں کے پیش نظر محکمہ زراعت سندھ کے ملازمین کی چھٹیاں منسوخ
سندھ میں بارشوں اور سیلاب کے خطرات
کراچی(ڈیلی پاکستان آن لائن) سندھ میں ممکنہ بارشوں اور سیلاب کے خدشے کے پیش نظر محکمہ زراعت کے تمام افسران اور عملے کی چھٹیاں منسوخ کردی گئیں۔
یہ بھی پڑھیں: وفاقی حکومت کے قرضوں میں ریکارڈ اضافہ، سٹیٹ بینک نے رپورٹ جاری کردی
ایمرجنسی سیل کا قیام
نجی ٹی وی سما نیوز کے مطابق ترجمان محکمہ زراعت کا کہنا ہے کہ ڈی جی زراعت کے دفتر حیدر آباد میں رین ایمرجنسی سیل قائم کردیا گیا ہے۔ ہنگامی صورتحال میں کسان مدد کےلئے رابطہ کرسکیں گے۔ تیس اضلاع میں ڈائریکٹرز اور ڈپٹی ڈائریکٹرز کو فوکل پرسن مقرر کردیا گیا ہے۔
ایمرجنسی سینٹرز کی تشکیل
سندھ کے تمام اضلاع اور تپے کی سطح پر ایمرجنسی سینٹرز قائم کردیئے گئے ہیں۔ سندھ کے وزیر زراعت نے کسانوں کی فوری مدد کو یقینی بنانے کے احکامات جاری کردیئے ہیں۔
