موریطانیہ کے ساحل کے قریب تارکین وطن سے بھری کشتی ڈوب گئی، 49 افراد ہلاک، 100 لاپتہ

کشتی ڈوبنے کا واقعہ

نوآکشوط (مانیٹرنگ ڈیسک) موریطانیہ کے ساحل کے قریب تارکین وطن سے بھری ایک کشتی ڈوبنے سے 49 افراد ہلاک اور تقریباً 100 لاپتہ ہوگئے۔

یہ بھی پڑھیں: ڈرامہ سیریل ’ڈائن‘ میں اداکاری کیلئے احسن خان نے کتنا معاوضہ لیا ؟ اداکار کا انکشاف

نقصانات کی تفصیلات

’’جنگ‘‘ کے مطابق، مقامی کوسٹ گارڈ کے ایک اعلیٰ اہلکار نے فرانسیسی خبر رساں ادارے کو بتایا کہ ہم نے 17 افراد کو زندہ بچا لیا ہے، اب تک 49 لاشیں نکال کر تدفین کی جاچکی ہے، دیگر کی تلاش کا عمل جاری ہے۔

کشتی کی تفصیلات

اہلکار کے مطابق کشتی میں تقریباً 160 افراد سوار تھے جو ایک ہفتہ قبل گیمبیا سے روانہ ہوئے تھے، ان میں زیادہ تر گیمبیا اور سینیگال کے شہری شامل تھے۔ جب کشتی میں سوار افراد نے نوآکشوط سے تقریباً 80 کلو میٹر شمال میں ایک قصبے کی روشنیاں دیکھیں تو وہ سب ایک طرف جھک گئے، جس سے کشتی الٹ گئی۔