مشکل گھڑی میں کسی کو اکیلا نہیں چھوڑیں گے، گورنر سندھ کا 5 ماہ کی تنخواہ سیلاب متاثرین کو دینے کا اعلان

گورنر سندھ کا اہم اعلان

کراچی (ڈیلی پاکستان آن لائن) گورنر سندھ کامران خان ٹیسوری نے اپنی 5 ماہ کی تنخواہ سیلاب متاثرین کو عطیہ کرنے کا اعلان کردیا۔

یہ بھی پڑھیں: پاکستان کو عالمی سطح پر پذیرائی ملی اور مودی کے حصے میں سفارتی تنہائی آئی، وزیراعظم شہباز شریف

سیلاب متاثرین کی امداد

ایکسپریس نیوز کے مطابق گورنر سندھ کامران خان ٹیسوری نے کہا ہے کہ مشکل کی اس گھڑی میں ہر طرح سے سیلاب متاثرین کے ساتھ کھڑا ہوں۔ انہوں نے مزید کہا کہ سیلاب متاثرین کے لیے تمام تر وسائل بروئے کار لاؤں گا۔

خصوصی امدادی سیل کا قیام

گورنر ہاؤس میں خصوصی سیل قائم کرنے کا فیصلہ کیا گیا ہے تاکہ سیلاب متاثرین کی امداد کو منظم کیا جا سکے۔ جلد ہی امدادی سامان کے ٹرک سیلاب متاثرہ اضلاع میں روانہ کیے جائیں گے۔