مخصوص ٹولہ متاثرین کے ساتھ ہمدردی کی بجائے گندی سیاست کررہا ہے: عظمیٰ بخاری

صوبائی وزیر اطلاعات کی بیان

لاہور(ڈیلی پاکستان آن لائن) وزیر اطلاعات پنجاب عظمیٰ بخاری نے کہا ہے کہ مخصوص ٹولہ مشکل کی گھڑی میں متاثرین کے ساتھ ہمدردی کی بجائے گندی سیاست کررہا ہے۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

ریسکیو آپریشن کی تفصیلات

اپنے بیان میں عظمیٰ بخاری کا کہنا تھاکہ 7 لاکھ 60 ہزار سیلاب متاثرین کو بروقت ریسکیو کرنا معمولی بات نہیں، متاثرہ شہریوں کے ساتھ ان کے مویشیوں کو بھی محفوظ مقامات پر منتقل کیا جارہا ہے۔ انہوں نے کہا کہ کلینک آن ویلز نے متاثرہ شہریوں کو طبی امداد فراہم کرنے میں کلیدی کردار ادا کیا، کمشنرز اور ڈی سی سیلاب متاثرین کو خیمے، چارپائیاں اور کھانا فراہم کررہے ہیں۔

سیاسی انتشار کا حوالہ

ان کا کہنا تھاکہ کچھ لوگ سوسائٹی میں انتشار پھیلانے کی کوشش کررہے ہیں، یہ وقت سیاست کا نہیں لوگوں کو ریلیف دینے کا ہے اور ہمارا فوکس ریلیف پر ہے۔ صوبائی وزیر اطلاعات کا کہنا تھاکہ کچھ لوگ جعلی خبروں سے انتشار پھیلانے کی کوشش کررہے ہیں، مخصوص ٹولہ مشکل کی گھڑی میں متاثرین کے ساتھ ہمدردی کی بجائے گندی سیاست کررہا ہے۔