بھارت: بیوی پر تیزاب ڈال کر زندہ جلانے والے شوہر کو سزائے موت سنا دی گئی

سزائے موت کا فیصلہ

نئی دہلی(ڈیلی پاکستان آن لائن) بھارتی ریاست راجستھان کی ایک عدالت نے بیوی کو رنگت اور جسمانی ساخت کے سبب تیزاب ڈال کر زندہ جلانے والے شوہر کو سزائے موت سنادی۔

یہ بھی پڑھیں: خطے میں لاکھوں خاندان موسمیاتی تبدیلی اور سماجی چیلنجز سے متاثر ہیں: آصفہ بھٹو

مقتولہ کی شناخت

بھارتی میڈیا کے مطابق مقتولہ کی شناخت لکشمی کے نام سے ہوئی ہے جسے اس کا شوہر کِشن آئے دن سانولی رنگت اور اضافی وزن کے باعث طعنے دیا کرتا تھا۔ جھگڑوں کے اسی سلسلے میں ایک رات ملزم نے بیوی سے جھوٹ بولا کہ وہ اس کے لیے دوا لایا ہے اور یہ دوا اس کے جسم پر لگادی۔

یہ بھی پڑھیں: سونے کی فی تولہ قیمت میں 7100 روپے کمی

خطرناک واقعہ

بھارتی میڈیا کی رپورٹ کے مطابق لکشمی نے فوراً شوہر سے شکایت بھی کی کہ اسے تیزاب جیسی بدبو آ رہی ہے لیکن شوہر نے اس کی بات کو نظرانداز کر دیا۔

یہ بھی پڑھیں: ہم تو برداشت کر لیں گے یہ نہیں کر پائیں گے تمہارے آنسو ابھی سے نظر آ رہے ہیں، مرحوم مشاہد اللہ خان کے تاریخی الفاظ آج بھی زندہ ہیں، محسن شاہنواز رانجھا

تشديد کی گئی کارروائی

لکشمی کے جسم پر دوا لگانے کے بعد کِشن نے بیوی کے کپڑوں کو آگ لگادی، جب لکشمی آگ میں جلنے لگی تو ملزم نے باقی تیزاب بھی اس پر انڈیل دیا جس کے نتیجے میں وہ شدید جُھلس کر موقع پر ہی دم توڑ گئی۔

یہ بھی پڑھیں: نوبیل نہ ملنے پر خود کو صرف امن کے بارے میں سوچنے کا پابند نہیں سمجھتا: ٹرمپ کا ناروے اور فن لینڈ کو خط

عدالت کا فیصلہ

بھارتی میڈیا کے مطابق پولیس نے کِشن کو گرفتار کر کے عدالت میں پیش کیا جہاں مقدمے کے دوران سرکاری وکیل دنیش پالیوال نے دلائل دیے کہ ملزم بارہا اپنی بیوی کو رنگت کی بنیاد پر ہراساں کیا کرتا تھا اور اسی نفرت کے باعث اس نے یہ خوفناک جرم کا ارتکاب بھی کیا۔

یہ بھی پڑھیں: ایف آئی اے کا حوالہ ہنڈی والوں کے خلاف کریک ڈاؤن، 9 ملزمان گرفتار، ملکی و غیرملکی کرنسی برآمد

سخت سزا کا مقصد

بھارتی میڈیا کی رپورٹ کے مطابق ایڈیشنل ڈسٹرکٹ اینڈ سیشن جج نے کیس کا فیصلہ سناتے ہوئے اپنے ریمارکس میں کہا کہ ایسے واقعات میں مسلسل اضافہ ہو رہا ہے اور معاشرے میں عدالت کا خوف قائم رکھنے کے لیے سخت ترین سزا ضروری ہے۔