گوجرانوالہ میں پھل فروش نے مبینہ طور پر ایک شخص کو قتل کرکے لاش پیٹی میں چھپادی
موقعہ کی تفصیلات
گوجرانوالہ (ڈیلی پاکستان آن لائن) تھانہ نوشہرہ ورکاں کے علاقے محلہ صدیق سویٹ مین بازار میں ایک پھل فروش نے مبینہ طور پر ایک شخص کو قتل کر کے لاش پیٹی میں چھپادی۔
یہ بھی پڑھیں: بانی پی ٹی آئی اور بشریٰ بی بی کی درخواست ضمانتوں پر فیصلہ کب سنایا جائیگا؟ عدالتی عملے کااہم بیان
پولیس کی تحقیقات
پولیس ذرائع کا کہنا ہے کہ سامان منتقلی پر رکشہ ڈرائیور نے پیٹی وزنی ہونے پر وجہ پوچھی تو رازفاش ہوگیا۔ اہل محلہ کے مطابق پھل فروش ملک اعجاز کرایہ کے مکان میں رہتا تھا، مکان تبدیل کرنے کے لیے سامان باہر نکالا تو لوڈر رکشہ والے نے پیٹی کھول کر دیکھی تو اعجاز پھل فروش نے دوڑ لگادی، جسے اہل علاقہ نے پکڑ لیا اور پولیس کے حوالے کردیا، لیکن تاحال مقتول کی شناخت نہیں ہوسکی۔
لاش کی حالت اور تحقیقات کا آغاز
گوجرانوالہ پولیس کا کہنا ہے کہ لاش 2 روز پرانی لگتی ہے، تحقیقات جاری ہیں، جلد حقائق سامنے آئیں گے۔
